СОЛИ МАЪРИФАТИ ҲУҚУҚӢ. Дар «Амонатбонк» конференсияи ҷумҳуриявии кормандони ташкилотҳои қарзии молиявӣ ва суғуртавӣ доир шуд
ДУШАНБЕ, 31.08.2024. /АМИТ «Ховар»/. 30 август бо ташаббуси Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар якҷоягӣ бо Бонки миллии Тоҷикистон дар Корхонаи воҳиди давлатии «Бонки амонатгузории Ҷумҳурии Тоҷикистон «Амонатбонк» таҳти унвони «Маърифати ҳуқуқии кормандони ташкилотҳои қарзии молиявӣ ва ташкилотҳои суғуртавӣ — омили муҳими муқовимат ба коррупсия» конференсияи ҷумҳуриявӣ доир гардид, иттилоъ медиҳад АМИТ «Ховар» бо истинод ба Агентии назорати давлатии молиявӣ ва мубориза бо коррупсия.
Дар чорабинӣ роҳбарият ва масъулини Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Бонки миллии Тоҷикистон, инчунин тамоми ташкилотҳои қарзии молиявӣ ва суғуртавӣ иштирок карда, оид ба мавзуи мавриди назар андеша баён намуданд.
Чорабинӣ дар доираи «Соли маърифати ҳуқуқӣ» эълон гардидани соли 2024 баргузор шуда, ҳадафи асосии он баланд бардоштани маърифати ҳуқуқӣ — зиддикоррупсионии кормандони ташкилотҳои қарзии молиявӣ ва суғуртавии мамлакат мебошад. Дар конференсия таъкид гардид, ки баргузоршавии чунин ҳамоишҳо барои боз ҳам муттаҳид намудани иродаву амалҳо дар роҳи пешгирии содиршавии кирдорҳои коррупсионӣ дар ин соҳаҳои ба иқтисодиёти мамлакат басо муҳим, мусоидат хоҳад кард.
АКС: Агентии назорати давлатии молиявӣ ва мубориза бо коррупсияи Ҷумҳурии Тоҷикистон
ҚУРБИ АСЪОР: 1 евро аз 10.2200 то 10.2472 сомонӣ муқаррар гардидааст
Ҳаҷми умумии қарзҳои додашуда дар Тоҷикистон 25,5 фоиз зиёд гардидааст
МАЪРИФАТИ МОЛИЯВӢ. Дар ноҳияи Рӯдакӣ Фестивали саводнокии молиявӣ гузаронида шуд
Дар Душанбе самтҳои ҳамкорӣ бо ҳайати Палатаи савдои хориҷии Олмон баррасӣ гардид
Дар Душанбе самтҳои баланд бардоштани сатҳи саводнокии молиявии кӯдакону ҷавонон баррасӣ гардиданд
