Таҳкими ҳамкории давлатҳои Осиёи Марказӣ дар соҳаи нақлиёт дар Остона баррасӣ гардид
ДУШАНБЕ, 12.08.2024 /АМИТ «Ховар»/. Тақвияти ҳамкории давлатҳои Осиёи Марказӣ дар соҳаи нақлиёт дар мулоқоти вазирони нақлиёти давлатҳои Осиёи Марказӣ- Тоҷикистон, Қазоқистон, Қирғизистон, Туркманистон ва Узбекистон дар Остона баррасӣ гардид, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.
Вазирони нақлиёти давлатҳои Осиёи Марказӣ масъалаҳои мубрами ҳамкориро дар самтҳои гуногун, аз қабили гузаргоҳҳои транзитӣ, логистика ва ҳамлу нақли байналмилалӣ баррасӣ карданд. Онҳо ба тадбирҳои амалишавандаи давлатҳо оид ба рушди робитаҳои нақлиётӣ дар партави Созишнома дар бораи таҳкими ҳамбастагии нақлиёти заминӣ дар Осиёи Марказӣ, ки моҳи сентябри соли 2023 дар ҷараёни мулоқоти қаблии панҷуми машваратии сарони давлатҳои минтақа дар Душанбе ба имзо расида, ба бунёди роҳҳои автомобилгард ва роҳи оҳан, ифтитоҳи марказҳои нави логистикӣ ва густариши шабакаи ҳамлу нақли байналмилалӣ равона шудааст, таъкид намуданд.
Аз рӯи натиҷаҳои вохӯриашон роҳбарони мақомоти нақлиётӣ Эъломияи Остонаро имзо намуданд, ки назарҳои тарафҳоро дар таҳкими минбаъдаи ҳамкорӣ тасдиқ мекунад.
Вазирони нақлиёти давлатҳои Осиёи Марказӣ инчунин Ёддошти тафоҳум имзо карданд, ки ба ҳамкории давлатҳо дар доираи фароҳам овардани муҳити мусоид барои ҷалби сармоя, рушди инфрасохтор ва такмили заминаи меъёрию ҳуқуқии танзимкунандаи фаъолияти марказҳои нақлиётӣ ва логистикӣ равона шудааст.
Имзои ин санадҳо идомаи мантиқии Созишнома дар бораи таҳкими ҳамбастагии нақлиёти заминӣ дар Осиёи Марказӣ гардид.
Вазирони нақлиёт баъд аз вохӯрӣ дар Корхонаи бастабандии электровозҳои Остона бо имконияти локомотивсозӣ шинос гардиданд.
АКС: Вазорати нақлиёти Ҷумҳурии Тоҷикистон
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
Кормандони соҳаи геология ва кӯҳкорӣ 35-солагии Истиқлоли давлатиро ботантана таҷлил намуданд
