ТАВАҶҶУҲ! Вазорати меҳнат, муҳоҷират ва шуғли аҳолӣ: «Аз шаҳрвандони Тоҷикистон даъват мешавад, ки талаботи нави қонунгузорӣ дар самти муҳоҷиратро дар Русия риоя кунанд»
ДУШАНБЕ, 15.08.2024. /АМИТ «Ховар»/. Вазорати меҳнат, муҳоҷират ва шуғли аҳолии Ҷумҳурии Тоҷикистон ба таваҷҷуҳи шаҳрвандони ҷумҳурӣ, ки дар ҳудуди Федератсияи Русия фаъолияти меҳнатӣ менамоянд, мерасонад, ки тибқи қонуни федералии ин мамлакат, ки 8 августи имсол ба имзо расидааст, муҳлати будубоши шаҳрвандон акнун давоми як соли тақвимӣ 90 рӯз муайян шуд (қаблан 90 рӯз давоми 6 моҳ имконпазир буд). Дар ин хусус АМИТ «Ховар» бо истинод ба ин вазорат хабар медиҳад.
Тавре иттилоъ дода шуд, қонуни федералӣ аз 8 августи соли 2024 «Дар бораи ворид намудани тағйирот ба баъзе санадҳои қонунгузории Федератсияи Русия» аз тарафи Президенти Федератсияи Русия имзо шудааст. Тибқи он соли тақвимӣ аз 1 январ то 31 декабр ҳисоб карда мешавад (банди 5 моддаи 2 Қонуни федералӣ «Дар бораи ҳисоб кардани вақт» аз 3 июни соли 2011). Дар он омадааст, ки шаҳрвандони хориҷӣ уҳдадор ҳастанд, ки аз кирдорҳои нисбат ба Русия зараровар худдорӣ кунанд, эҳтиром ба фарҳанг, анъанаҳо, арзишҳои маънавӣ ва мардуми Русияро пос нигоҳ доранд. Корнамоии халқи советиро дар муҳофизати Ватан таҳриф накунанд. Ҳамзамон нисбат ба муҳити зист, сарватҳои табиӣ, сарватҳои моддӣ ва фарҳангии Русия бо эҳтиром муносибат кунанд.
Муҳоҷирони муваққатӣ метавонанд худро ба муҳлати дар огоҳинома гуфташуда (на бештар аз 1 сол) ба қайди муҳоҷиратӣ гузоранд. (Муҳоҷирони муваққатӣ онҳое мебошанд, ки иҷозати истиқомати муваққатӣ (РВП), иҷозати истиқомати доимӣ (ВНЖ) ё иҷозатномаи паноҳандагӣ надоранд).
Тибқи ин қонун, хуруҷ аз Федератсияи Русия ба ватани худ бо истифода аз шиносномаи муҳлаташ гузашта ё шиносномаи фарсуда имконпазир аст. Ҳангоми санҷиши сарҳадӣ арзёбии хатарҳои эҳтимолии вайрон кардани низоми сарҳади давлатӣ ё эҷоди таҳдид ба амнияти давлат гузаронида мешавад. Бояд гуфт, ки ин қонун аз 2 феврали соли 2025 эътибор пайдо мекунад.
Вазорати меҳнат, муҳоҷират ва шуғли аҳолии Ҷумҳурии Тоҷикистон аз шаҳрвандони Ҷумҳурии Тоҷикистон, ки дар Федератсияи Русия ба фаъолияти меҳнатии муваққатӣ машғуланд, хоҳиш менамояд, ки талаботи нави қонунгузорӣ дар самти муҳоҷирати Русияро риоя намоянд.
АКС: АМИТ «Ховар»
«КИТОБ БАРОИ МУҲОФИЗОНИ ВАТАН». Бахшида ба Рӯзи Қувваҳои Мусаллаҳи Ҷумҳурии Тоҷикистон иқдоми тақдими китоб идома дорад
Имрӯз дар баъзе ноҳияҳои Тоҷикистон бориши борон ва барф дар назар аст
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
