Тоҷикистон ва Британияи Кабир ҳамкориро дар самти ҳолатҳои фавқулода баррасӣ намуданд
ДУШАНБЕ, 29.08.2024. /АМИТ «Ховар»/. 28 август Раиси Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон Рустам Назарзода бо ҳайати Британияи Кабир таҳти роҳбарии муовини директор оид ба рушд дар Осиёи Марказӣ Майкл Галлахер вохӯрӣ намуд. Дар ин хусус ба АМИТ «Ховар» дар Кумитаи ҳолатҳои фавқулода ва мудофиаи гражданӣ хабар доданд.
Ҳадафи вохӯрӣ табодули таҷриба байни воҳидҳои наҷоти ду давлат, усулҳои истифода аз фанновариҳои муосир ҳангоми анҷом додани амалиёти наҷот ва баргузории даврҳои омӯзишӣ барои наҷотдиҳандагон бо иштироки мутахассисони бритониёӣ арзёбӣ гардид.
Рустам Назарзода оид ба воҳидҳои сохтории Кумита ва ҳамкории байналмилалӣ дар самти пешгирӣ ва рафъи оқибатҳои офатҳои табиӣ маълумот дод.
Вохӯрӣ дар асоси Созишномаи ҳамкорӣ дар идораи хатари офатҳои табиӣ, ки аввали моҳи августи соли 2024 байни Кумита ва Ҳукумати Подшоҳии Муттаҳидаи Британияи Кабир ва Ирландияи Шимолӣ ба имзо расид, баргузор гардид.
Дар вохӯрӣ ҷонибҳо вобаста ба дурнамои ҳамкории минбаъда табодули афкор намуда, масъалаҳои мавриди таваҷҷуҳи тарафайнро баррасӣ карданд.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Доир ба нақши Мавлоно дар ташаккули фарҳанги сулҳ конференсияи илмӣ-амалӣ баргузор шуд
Рӯзи дуюми Форуми дуюми сулҳи Фарғона таҳти унвони «Ынтымак» (Рӯзи ягонагӣ) доир шуд
Оид ба мавқеи геосиёсӣ, геоиқтисодӣ ва геофарҳангии Шарқи Миёна ва Наздик конференсияи илмӣ доир шуд
Озмоишгоҳҳои таҳлили канданиҳои фоиданок ва омода кардани намунаи ашёи минералӣ ба истифода дода шуданд
Густариши ҳамкорӣ бо намояндагони Бонки исломии рушд дар соҳаи таҳсилоти касбӣ баррасӣ гардид
Дар Санкт-Петербург бо донишҷӯёни тоҷик оид ба масъалаҳои будубош ва таҳсил вохӯрӣ доир шуд
Дар шаҳри Гулистони вилояти Суғд Форуми дуюми сулҳи Фарғона доир шуд
Байни Маркази тадқиқоти стратегӣ ва Бунёди «Peace Nexus» Ёддошти тафоҳуми ҳамкорӣ ба имзо расонида шуд
ТАРЗИ ҲАЁТИ СОЛИМ. Пиёдагардӣ умри инсонро дароз ва баданро ҷавон мекунад
Дар вилояти Суғд Форуми дуюми сулҳи Фарғона доир мешавад
Дар Маркази рушди ҳунармандӣ ва малакаҳои касбии муосир ба шаҳрвандон ройгон касб омӯзонида мешавад
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
