Тоҷикистон ва Гурҷистон ҳамкориро дар соҳаи сайёҳӣ тақвият мебахшанд
ДУШАНБЕ, 13.08.2024 /АМИТ «Ховар»/. 12 август дар вохӯрии Раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод бо раиси шаҳри Батуми Арчил Чиковани ва роҳбарияти Департаменти сайёҳии шаҳри Батумии Гурҷистон тақвият бахшидани муносибатҳои дуҷониба ва зиёд намудани гардишгарон аз ҳарду ҷониб баррасӣ шуд. Дар ин хусус ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Зимни вохӯрӣ Раиси Кумитаи рушди сайёҳии Тоҷикистон оид ба мавҷудияти имконияти фаровони сайёҳӣ, хусусан сайёҳии экологӣ, солимгардонӣ, кишоварзӣ ва шикор дар Ҷумҳурии Тоҷикистон маълумот дода, сиёсати созанда ва дурбинонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар мавриди ноил шудан ба дастовардҳои беназири соҳаи сайёҳӣ дар даврони соҳибистиқлолӣ басо муҳим арзёбӣ намуд.
Ҳамзамон масъалаҳои густариши муносибатҳои дуҷониба дар соҳаи сайёҳӣ, робитаи ҳамкорӣ байни ширкатҳои сайёҳӣ ва масоили омӯзиши истифодаи самараноки беҳтарин таҷрибаи Гурҷистон доир ба пешбурди соҳаи сайёҳии мамлакат дар самти хизматрасонӣ ва мубодилаи сайёҳон байни ду давлат баррасӣ шуданд.
Ёдовар мешавем, ки сафари намояндагони бахши сайёҳии Тоҷикистон ба Гурҷистон дар доираи лоиҳаи «Рушди иқтисодиёти деҳот»-и Муассисаи давлатии «Маркази татбиқи лоиҳаи «Дастрасӣ ба маблағгузории сабз ва маблағҳои рушди деҳот»-и назди Вазорати молияи Ҷумҳурии Тоҷикистон барои омӯзиш ва таҷриба андӯхтани кормандони соҳаи сайёҳии мамлакат ташкил гардид.
Намояндагони бахши сайёҳии Тоҷикистон якчанд мавзеи сайёҳӣ ва таърихии шаҳрҳои Тифлису Мтсхетаро тамошо намуда, бо тарзи қабули сайёҳон дар нуқтаҳои хизматрасонии Гурҷистон, таҷрибаи ғании ширкатҳои сайёҳӣ ва усулҳои хизматрасонӣ ба сайёҳон шинос шуданд. Барои ташкили чунин низоми хизматрасонӣ ба сайёҳон дар Тоҷикистон имконияти зиёд мавҷуд аст ва амалисозии нақшаҳои мукаммал дар ин самт манфиатовар мебошад.
АКС: Кумитаи рушди сайёҳии назди Ҳукумати Ҷумҳурии Тоҷикистон
Фаъолияти мақомоти Ваколатдор оид ба ҳуқуқи инсон дар партави Паёми Президенти Тоҷикистон ба Маҷлиси Олӣ густариш меёбад
Фарҳод Раҳимӣ: «Паёми Президенти Тоҷикистон заминаи стратегии рушди иқтисодӣ ва худшиносии миллӣ аст»
Ҳар сол дар соҳаҳои гуногуни иқтисоди Тоҷикистон беш аз 200 ҳазор ҷойи нави кор таъсис дода мешавад
Дар Тоҷикистон Фонди кафолати қарзҳо таъсис дода мешавад
Соли 2026 «Соли вусъат додани корҳои ободонию созандагӣ ва тақвияту таҳкими худшиносию худогоҳии миллӣ» эълон гардид
Президенти Тоҷикистон соли 2025-ро соли дастовардҳои назаррас ва рӯйдодҳои муҳими таърихӣ номиданд
Аз 1 сентябри соли 2026 маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
Таҷрибаи ислоҳоти ҳуқуқии Тоҷикистон дар Форуми байналмилалӣ муаррифӣ карда шуд
Озмуни ҷумҳуриявии «Беҳтарин хизматчии давлатӣ аз ҳисоби занон» ҷамъбаст гардид
Дар Тоҷикистон кадом навъи бемории зуком хуруҷ намудааст?
Муовини Сарвазири Тоҷикистон дар конференсияи байналмилалӣ оид ба нақши зан дар Туркманистон иштирок намуд
«ХУШДОМАНИ БЕҲТАРИН». Дар Бадахшон даври вилоятии озмун ҷамъбаст гардид
