Байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия Созишномаи ҳамкорӣ ба имзо расид
ДУШАНБЕ, 19.09.2024/АМИТ «Ховар»/. Тоҷикистон ва Русия ҳамкориро дар самти муқовимат ба коррупсия тақвият медиҳанд. Далели ин ба имзо расидани Созишнома оид ба ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия дар самти муқовимат ба коррпусия мебошад.
Хабарнигори АМИТ «Ховар» иттилоъ медиҳад, ки созишномаро директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода ва прокурори генералии Федератсияи Русия Игор Краснов дар ҳошияи ҷаласаи IХ Шурои байнидавлатии муқовимат ба коррупсияи кишварҳои аъзои Иттиҳоди Давлатҳои Мустақил /ИДМ/, ки имрӯз дар Душанбе доир гардид, имзо намуданд.
Дар маросими имзои созишнома роҳбарони мақомоти марбутаи Тоҷикистон ва Русия имзои санадро дар самти муқовимат ба коррупсия ва тақвияти ҳамкории мутақобилан судманд дар ин самт муҳим арзёбӣ намуданд.
Ба имзо расонидани Созишнома оид ба ҳамкорӣ байни Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Прокуратураи генералии Федератсияи Русия бо назардошти эътироф намудани асосҳои соҳибихтиёрӣ, истиқлоли миллӣ, баробарӣ ва манфиатҳои ҳарду давлати дӯсту бародар ба мақсад мувофиқ арзёбӣ гардид.
Ҷонибҳо изҳори боварӣ намуданд, ки барқарорсозии ҳамкории мутақобилан судманд байни мақомоти марбутаи Тоҷикистон ва Русия дар оянда барои таҳкими муносибатҳои дӯстонаи ду давлат шароити мусоид фароҳам меорад. Он ҳамчунин ба тақвияти неруҳое, ки бар зидди коррупсия мубориза мебаранд, таъсири мусбат мерасонад.
АКС: АМИТ «Ховар»
Байни Тоҷикистон ва БАТР ба маблағи беш аз 62 миллион евро созишномаҳои қарзию грантӣ ба имзо расиданд
Пагоҳ ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамоти гумруки ИДМ баргузор мешавад
Дар Душанбе ҷаласаи 25-уми RILO-Москва баргузор гардид
Муовини Сарвазири Тоҷикистон бо вазъи корҳои саҳроӣ дар ноҳияи Зафаробод шинос шуд
Агентии омор: «Дар Тоҷикистон шумораи субъектҳои хоҷагидор зиёд шудааст»
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Ҳайати Тоҷикистон дар Машварати сеюми роҳбарони мақомоти зиддикоррупсионии кишварҳои аъзои Созмони ҳамкории исломӣ иштирок намуд
Тағйирёбии иқлим сабаби коҳиш ёфтани ҳосилнокии мева дар Тоҷикистон гардид
Дар Минтақаи озоди иқтисодии «Кӯлоб» бинои нави дидбонгоҳи гумрукӣ ба истифода дода шуд
Дар Душанбе масъалаи татбиқи лоиҳаву барномаҳои муштарак бо намояндаи ЮНИСЕФ баррасӣ гардид
Муовини Сарвазири Тоҷикистон бо вазъи корҳои саҳроӣ ва ҳолати инфрасохтори обёрии ноҳияи Мастчоҳ шинос шуд
Дар Душанбе оид ба ташхиси макроиқтисодӣ ҳамоиш баргузор шуд
