Дар Душанбе ҷаласаи 35-уми Шурои байнидавлатии обуҳавошиносии Иттиҳоди Давлатҳои Мустақил доир гардид
ДУШАНБЕ, 12.09.2024 /АМИТ «Ховар»/. 11 сентябр дар шаҳри Душанбе ҷаласаи 35-уми Шурои байнидавлатии обуҳавошиносии Иттиҳоди Давлатҳои Мустақил баргузор гардид. Дар ин хусус ба АМИТ «Ховар» дар Агентии обуҳавошиносии ҷумҳурӣ хабар доданд.
Дар кори ҷаласа «Барномаи ҳамкорӣ байни хадамоти обуҳавошиносии Ҷумҳурии Қазоқистон, Озарбойҷон, Беларус, Қирғизистон ва Тоҷикистон барои солҳои 2025-2028» қабул гардида, Ёддошти тафоҳум байни Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон бо Хадамоти обуҳавошиносии Ҷумҳурии Арманистон барои солҳои 2025-2029 ба имзо расид.
Директори Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон Абдулло Қурбонзода иброз намуд, ки «ҳадафи асосии баргузории ҷаласаи Шуро коҳиш додани таҳдид ба ҳаёт ва моликияти аҳолӣ аз зуҳуроти хатарноки табиӣ ва иқлим мебошад. Ин фаъолият бе мубодилаи байналмилалии мушоҳидаҳо ва пешгӯиҳои обуҳавошиносӣ дар сатҳи миллӣ пурра анҷом дода намешавад. Аз ин рӯ, намояндагони Хадамоти миллии обуҳавошиносӣ дар кори созмонҳои байналмилалӣ, пеш аз ҳама, Созмони умумиҷаҳонии обуҳавошиносӣ (СУО) иштирок мекунанд».
Дар ҷаласа масъалаҳои муҳим, аз қабили раёсати Шурои байнидавлатии обуҳавошиносии Иттиҳоди Давлатҳои Мустақил, татбиқи Созишнома дар бораи шабакаи байнидавлатии обуҳавошиносии Иттиҳоди Давлатҳои Мустақил, ҷараёни иҷрои Стратегияи рушди фаъолияти обуҳавошиносии мамлакатҳои Иттиҳоди Давлатҳои Мустақил ва нақшаи татбиқи он, татбиқи самтҳои афзалиятноки таҳқиқоти илмии хадамоти обуҳавошиносии мамлакатҳои Иттиҳоди Давлатҳои Мустақил, лоиҳаи Нақшаи чорабиниҳо оид ба татбиқи Стратегияи рушди фаъолияти обуҳавошиносии Иттиҳоди Давлатҳои Мустақил барои солҳои 2026-2030 бо иштироки ҳайатҳои хадамоти обуҳавошиносии Иттиҳоди Давлатҳои Мустақил аз Ҷумҳурии Озарбойҷон, Арманистон, Беларус, Тоҷикистон, Қазоқистон, Қирғизистон, Узбекистон, Федератсияи Русия, инчунин раисони Кумитаи иҷроияи Шурои байнидавлатии обуҳавошиносии Иттиҳоди Давлатҳои Мустақил мавриди баррасӣ қарор гирифтанд.
АКС: Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон
Доир ба саҳми барандагони Ҷоизаи Исмоили Сомонӣ дар рушди Тоҷикистони муосир конференсия баргузор шуд
Пешвои миллат: «Вилояти Хатлон дар таърихи давлатдории тоҷикон ҷойгоҳи махсус дорад»
ИСТИҚЛОЛИЯТИ ДАВЛАТИИ ТОҶИКИСТОН ТО АБАД УСТУВОРУ ПОЯНДА БОШАД! Тавсифҳои истиқлолият аз суханҳои пурарзиши Президенти Тоҷикистон
«РУШДИ ҲУҚУҚИ ИНСОН ДАР 35 СОЛИ СОҲИБИСТИҚЛОЛИИ ТОҶИКИСТОН». Таҳти ин унвон конференсияи байналмилалӣ доир шуд
Дар солҳои соҳибистиқлолии Тоҷикистон андозаи нафақаҳо беш аз 20 маротиба индексатсия карда шуд
35 СОЛИ ИСТИҚЛОЛ: АЗ ОЗМОИШҲОИ ТАЪРИХ ТО БУНЁДИ ПОЯҲОИ ОЯНДАИ ДУРАХШОН. Андешаҳо дар ин маврид
Аз 1 сентябр маоши вазифавии кормандони соҳаҳои маориф, илм, фарҳанг, варзиш, тандурустӣ ва муассисаҳои соҳаи ҳифзи иҷтимоӣ зиёд карда мешавад
35-СОЛАГИИ ИСТИҚЛОЛИ ДАВЛАТӢ. Дар деҳаи Руҳафзои ноҳияи Темурмалик 9 иншооти таъйиноти гуногун ифтитоҳ гардид
Дар Тоҷикистон ҳавои моҳи якуми фасли тирамоҳ то 1 дараҷа гарм пешгӯӣ мешавад
Бо иштироки Сарвазири Тоҷикистон маросими супоридани мукофот ва ҷоизаҳои давлатӣ ба намояндагони касбу кори гуногун баргузор шуд
ПУРСИДЕД, ҶАВОБ МЕДИҲЕМ. Аз соли 2027 шаҳрвандони хориҷӣ дар Федератсияи Русия кадом талаботи навро бояд риоя намоянд?
Оид ба нақши Пешвои миллат дар таҳкими истиқлолият ва рушди Тоҷикистони соҳибистиқлол ҳамоиш доир шуд
