Дар Душанбе масъалаи рушди муносибатҳои дуҷонибаи Тоҷикистон ва Арманистон баррасӣ гардид
ДУШАНБЕ, 14.09.2024 /НИАТ «Ховар»/. 13 сентябр дар шаҳри Душанбе машваратҳо байни вазоратҳои корҳои хориҷии Ҷумҳурии Тоҷикистон ва Ҷумҳурии Арманистон дар масъалаҳои рушди муносибатҳои дуҷониба ва ҳамкорӣ дар доираи созмонҳои минтақавӣ, инчунин оид ба ташхиси (инвентаризатсия) заминаи шартномавӣ-ҳуқуқӣ доир гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Ҳайатҳои ҷонибҳоро роҳбарони воҳидҳои сохтории вазоратҳои корҳои хориҷии Тоҷикистон ва Арманистон роҳбарӣ карданд.
Зимни машваратҳо масъалаҳои мубрами рушди минбаъдаи муносибатҳои дуҷониба дар бахшҳои сиёсӣ, тиҷоратӣ-иқтисодӣ ва фарҳангӣ-гуманитарӣ муфассал муҳокима гардида, табодули таҷриба дар самти фаъолияти ҳуқуқии ниҳодҳои сиёсати хориҷӣ анҷом гирифт.
Таваҷҷуҳи хоса ба ҳамкории Душанбе ва Ереван дар Иттиҳоди Давлатҳои Мустақил бо инобати раёсати дарпешистодаи Тоҷикистон дар ин ниҳод, инчунин иштироки Арманистон дар кори Созмони ҳамкории Шанхай ба сифати шарики муколама зоҳир карда шуд.
АКС: Вазорати корҳои хориҷии Ҷумҳурии Тоҷикистон
28 июл дар Кумитаи давлатии сармоягузорӣ ва идораи амволи давлатӣ ва Донишгоҳи технологӣ нишасти матбуотӣ баргузор мегардад
Имрӯз дар Тоҷикистон ҳаво то 40 дараҷа гарм мешавад
ХОРУҒ — БОҒШАҲРЕ ДАР ЛАБИ ДАРЁ. Тавсифи ин шаҳр аз нигоҳи Константин Симонов
«МЕРОСИ МО». Муассисаи фарҳангии ЭКО нахустин ҷашнвораи байналмилалии аксбардории мобилӣ баргузор менамояд
Имрӯз дар водиҳои Тоҷикистон ҳаво то 38 дараҷа гарм мешавад
Имрӯз дар шаҳри Душанбе ҳаво то 39 дараҷа гарм мешавад
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
