Дар Коллеҷи техникии Тоҷикистон 33-солагии Истиқлолияти давлатиро таҷлил намуданд
ДУШАНБЕ, 09.09.2024 /АМИТ «Ховар»/. Дар Коллеҷи техникии Донишгоҳи техникии Тоҷикистон ба номи академик Муҳаммад Осимӣ бахшида ба 33-солагии Истиқлолияти давлатии Ҷумҳурии Тоҷикистон ҳамоиш баргузор гардид. Дар ин хусус ба АМИТ «Ховар» дар Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон хабар доданд.
Дар ҳамоиш Раиси Кумита оид ба таҳсилоти ибтидоӣ ва миёнаи касбӣ Фарҳод Раҳимӣ иброз дошт, ки «маҳз дар фазои сулҳу амният ва осудагии комил давоми 33 соли соҳибистиқлолии ҷумҳурӣ ҳамаи соҳаҳои зиндагиву фаъолияти аҳолии мамлакат рӯ ба тараққӣ ниҳода, зери сиёсати хирадмандони Пешвои миллат муҳтарам Эмомалӣ Раҳмон мо ба дастовардҳои назаррас ноил гардидем».
Аз ҷумла, таъсиси Кумита оид ба таҳсилоти ибтидоӣ ва миёнаи касбӣ, ки самараи замони Истиқлол аст, барои ташаккули низоми таҳсилоти ибтидоӣ ва миёни касбӣ ва назорати ин соҳа иқдоми бисёр муҳим мебошад.
Бо назардошти аҳамияти муҳим доштани ин зинаҳои таҳсил дар рушди мамлакат Президенти Ҷумҳурии Тоҷикистон муҳтарам Эмомалӣ Раҳмон дар Паём ба Маҷлиси Олӣ чунин таъкид намуданд: «Таҳсилоти ибтидоии касбӣ низ яке аз зинаҳои муҳими соҳаи маорифи ҷумҳурӣ буда, иқтисоди миллиро бо мутахассисони соҳибкасб таъмин менамояд ва дар рушди ҳаёти иқтисодиву иҷтимоӣ ва фарҳангии мамлакат саҳми босазо мегузорад».
Аҳли коллективи кормандони Кумита оид ба таҳсилоти ибтидоӣ ва миёнаи касбӣ пайваста аз дастгирию қадрдониҳои Сарвари давлат бархурдор мегарданд.
Мушовири калони бахши Ёрдамчии Президенти Ҷумҳурии Тоҷикистон оид ба масъалаҳои кадрҳо Музаффар Давлатзода иштирокдоронро ба муносибати Истиқлоли давлатӣ табрик намуда, иброз дошт, ки «мо бо шарофати Истиқлолияти давлатӣ ба дастовардҳои беназири сиёсиву фарҳангӣ, иқтисодӣ ва фазои осоиштаи иҷтимоӣ ноил гардидем. Ин туҳфаи бузург барои мо имкони воқеӣ фароҳам намуд, ки роҳи бунёди имрӯзу фардои миллат ва тараққиёти минбаъдаи ҷумҳурии муҳбубамонро ба сӯйи ҷомеаи демократӣ, ҳуқуқбунёд, дунявӣ ва ягона интихоб намоем».
Сипас, дар вазъияти тантанавӣ директори Коллеҷи техникии Донишгоҳи техникии Тоҷикистон ба номи Муҳаммад Осимӣ Масрур Саидзода барои фаъолияти босамар дар соҳаи маориф бо мукофоти олӣ — Ифтихорномаи Ҷумҳурии Тоҷикистон сарфароз гардонида шуд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Ёвон роҳҳои байни деҳаҳо мумфарш карда мешаванд
35-СОЛАГИИ ИСТИҚЛОЛИ ДАВЛАТӢ. Дар Мастчоҳ бинои иловагии муассисаи таҳсилоти томактабӣ сохта мешавад
Президенти Ҷумҳурии Тоҷикистон Эмомалӣ Раҳмон дар шаҳри Бӯстон тарабхонаи “Кайҳон”-ро ифтитоҳ намуданд
Сарвари давлат Эмомалӣ Раҳмон меҳмонхонаи панҷошёнаи “Кайҳон”-и ҶСК “Фурудгоҳи байналмилалии Хуҷанд”-ро ба истифода доданд
Пешвои миллат Эмомалӣ Раҳмон дар шаҳри Бӯстон корхонаи истеҳсоли газаблоки “Хишти муосири аълосифат”-ро ифтитоҳ намуданд
Президенти Ҷумҳурии Тоҷикистон Эмомалӣ Раҳмон Мактаби санъати шаҳри Бӯстонро мавриди баҳрабардорӣ қарор доданд
Сарвари давлат Эмомалӣ Раҳмон дар шаҳри Хуҷанд якчанд корхонаю коргоҳҳои ҶДММ Сирдарёро ифтитоҳ намуданд
Пешвои миллат Эмомалӣ Раҳмон бинои Факултети №4-и Академияи Вазорати корҳои дохилиро дар шаҳри Хуҷанд ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд корхонаи коркарди меваю сабзавоти ҶДММ «ДороАртФуд»-ро ба истифода доданд
Пешвои миллат Эмомалӣ Раҳмон дар деҳаи Басмандаи ноҳияи Деваштич муассисаи таҳсилоти томактабии №6-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич 5 кӯдакистон, муассисаи таълимӣ, толори варзишӣ ва бинои маъмурии Кумитаи иҷроияи ноҳиявии ҲХДТ-ро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Деваштич Коргоҳи дӯзандагӣ ва қолинбофии “Ёсуман”-ро ифтитоҳ намуданд
