Дар Прага оид ба роҳбарии Тоҷикистон дар пешбурди ташаббусҳои байналмилалии марбут ба мудирияти об чорабинӣ доир шуд
ДУШАНБЕ, 16.09.2024 /АМИТ «Ховар»/. Дар ҳошияи Анҷумани 31-уми иқтисодӣ-муҳитизистии Созмони амният ва ҳамкорӣ дар Аврупо (САҲА) дар шаҳри Прага чорабинии канории Ҷумҳурии Тоҷикистон таҳти унвони «Роҳбарии Тоҷикистон дар пешбурди ташаббусҳои байналмилалии марбут ба мудирияти об барои рушди устувор дар шароити тағйирёбии иқлим» баргузор гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҳамоиш намояндагони кишварҳои иштирокдори Созмони амният ва ҳамкорӣ дар Аврупо, созмонҳои байналмилаливу минтақавӣ ва олимону коршиносони соҳа иштирок карданд.
Муовини якуми Вазири корҳои хориҷӣ Исматулло Насредин роҷеъ ба нақши Тоҷикистон дар пешбурди рӯзномаи ҷаҳонии обу иқлим, аз ҷумла натиҷаҳои Конфронси сеюми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018-2028 (Душанбе, 10-13 июни 2024), қатъномаҳои Маҷмаи Умумии Созмони Милали Муттаҳид «Соли 2025 — Соли байналмилалии ҳифзи пиряхҳо» ва «Даҳсолаи амал барои илмҳои криосфера, 2025-2034» маълумот дод.
Исматулло Насредин тавсеаи ҳамкории кишварҳои иштирокдори Созмони амният ва ҳамкорӣ дар Аврупоро дар пешгирӣ ва рафъи хатару чолишҳои марбут ба обу иқлим, таҳияву татбиқи абзорҳои муштарак, ҳамчунин пешниҳоди кумакҳои молиявӣ ва фаннӣ ба кишварҳои осебпазир муҳим арзёбӣ кард.
АКС: Вазорати корҳои хориҷии Ҷумҳурии Тоҷикистон
Бахшида ба Истиқлоли давлатии Ҷумҳурии Тоҷикистон дар шаҳри Машҳади Эрон нишасти илмиву адабӣ баргузор гардид
Дар Душанбе марҳилаи интихобии Ҷоми Осиё-2025 оид ба футбол байни ҷавонони то 20-сола доир мегардад
Тавсеаи ҳамкории Тоҷикистон ва Қатар дар самти баргузории конфронсҳо баррасӣ гардид
Намояндаи Тоҷикистон ҷаласаи дуюми навбатии Шурои иҷроияи Созмони Милали Муттаҳид – Занонро раисӣ намуд
Ҳайати Тоҷикистон дар Анҷумани 31-уми иқтисодӣ-муҳитизистии Созмони амният ва ҳамкорӣ дар Аврупо иштирок намуд
Шараф Шерализода бо Дабири кулли Созмони умумиҷаҳонии метереологӣ мулоқот намуд
Сироҷиддин Муҳриддин бо муовини дабири кулли Созмони ҳамкории исломӣ мулоқот намуд
Тоҷикистон ширкатҳои Кореяро ба ҳамкорӣ дар бахши истихроҷ ва коркарди маъдан даъват намуд
Исматулло Насредин бо директори Маркази пешгирии низоъҳои Котиботи Созмони амният ва ҳамкорӣ дар Аврупо мулоқот намуд
Тоҷикистон ва Созмони амният ва ҳамкорӣ дар Аврупо баргузории чорабиниҳои муштаракро баррасӣ намуданд
Дар шаҳри Лондон 33-солагии Истиқлолияти давлатии Ҷумҳурии Тоҷикистонро ҷашн гирифтанд
Тоҷикистон ва Қатар ҳамкориро байни палатаҳои савдо ва саноат тақвият мебахшанд
