Дар Минск ҷаласаи муштараки Шурои намояндагони доимӣ ва Комиссия оид ба масъалаҳои иқтисодӣ доир гардид
ДУШАНБЕ, 01.04.2026 /АМИТ «Ховар»/. 31 март ҷаласаи муштараки Шурои намояндагони ваколатдори доимии кишварҳои аъзои Иттиҳоди Давлатҳои Мустақил (ИДМ) дар назди мақомоти оинномавӣ ва дигар ниҳоди Иттиҳод ва Комиссия оид ба масъалаҳои иқтисодии назди Шурои иқтисодии Иттиҳоди Давлатҳои Мустақил доир гардид.
Тавре ба АМИТ «Ховар» аз Сафорати Тоҷикистон дар Беларус хабар доданд, зимни нишаст иштирокчиён лоиҳаи рӯзномаи ҷаласаи навбатии Шурои сарони ҳукуматҳои Иттиҳоди Давлатҳои Мустақилро, ки қарор аст охири моҳи май дар Ашқобод баргузор шавад, таҳия намуда, инчунин масъалаҳои омодагӣ ба ҷаласаи Шурои вазирони корҳои хориҷии Иттиҳоди Давлатҳои Мустақилро, ки 17 апрел дар шаҳри Москва доир мегардад, мавриди баррасӣ қарор доданд.
Ҳамзамон иттилоот оид ба фаъолияти Шурои ҳамоҳангсозии прокуророни генералии кишварҳои аъзои Иттиҳод дар солҳои 2020–2025, натиҷаҳои иҷрои Харитаи роҳ оид ба татбиқи ташаббусҳои сарони давлатҳо ва ҳукуматҳои Иттиҳоди Давлатҳои Мустақил дар самти ҳамкории иқтисодӣ ва инчунин натиҷаҳои фаъолияти мақомоти ҳамкории соҳавии Иттиҳоди Давлатҳои Мустақил дар бахши иқтисодӣ дар соли 2025 ба эътибор гирифта шуд.
Иштирокчиён ҷараёни иҷрои Нақшаи чорабиниҳо барои солҳои 2023–2025 оид ба татбиқи Ёддошти тафоҳум дар бораи амиқсозии ҳамкорӣ байни Кумитаи иҷроияи Иттиҳоди Давлатҳои Мустақил ва Комиссияи иқтисодии Авруосиёро баррасӣ намуданд.
Дар ҷараёни ҷаласа Намояндаи ваколатдори доимии Ҷумҳурии Тоҷикистон дар назди мақомоти оинномавӣ ва дигар ниҳоди Иттиҳод, Сафири Фавқулода ва Мухтори Ҷумҳурии Тоҷикистон дар Ҷумҳурии Беларус Бахтовар Сафарзода ба иштирокчиёни нишаст дар хусуси баргузории Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор», солҳои 2018–2028, ки аз 25 то 28 майи соли 2026 дар шаҳри Душанбе дар назар аст, иттилоъ манзур намуда, ҷонибҳоро даъват намуд, ки ба таъмин намудани иштироки намояндагони баландпояи кишварҳои Иттиҳоди Давлатҳои Мустақил дар кори ҳамоиш мусоидат намоянд.
АКС: Сафорати Ҷумҳурии Тоҷикистон дар Ҷумҳурии Беларус
Идомаи сафари расмии Сарвазири Ҷумҳурии Тоҷикистон Қоҳир Расулзода дар Ҷумҳурии Озарбойҷон
Вазири корҳои хориҷии Тоҷикистон бо Дабири кулли Созмони ҳамкории рақамӣ вохӯрӣ намуд
Таҳти ҳамоҳангсозии Тоҷикистон ҷаласаи сафирони Гурӯҳи кишварҳои рӯ ба тараққии маҳсур дар хушкӣ доир гардид
Вазири корҳои хориҷии Тоҷикистон дар якчанд чорабинии сатҳи баланд дар Ню-Йорк иштирок намуд
Сироҷиддин Муҳриддин бо раиси иҷлосияи 81-уми Маҷмаи умумии СММ мулоқот намуд
Президенти Озарбойҷон Илҳом Алиев бо Сарвазири Тоҷикистон Қоҳир Расулзода мулоқот намуд
Ҳамкории Тоҷикистон бо Сандуқи кувайтӣ барои рушди иқтисодии арабӣ баррасӣ шуд
Вазирони корҳои хориҷии Тоҷикистону Эрон дар Ню-Йорк мулоқот намуданд
Сироҷиддин Муҳриддин бо муовини Дабири кулли СММ мулоқот намуд
Созишнома оид ба бекор кардани талаботи раводид байни Тоҷикистон ва Сейшел ба имзо расид
Сафири Тоҷикистон бо Вазири нақлиёт ва инфрасохтори Туркия мулоқот намуд
Дар Ню-Йорк вохӯрии вазирони корҳои хориҷии давлатҳои аъзои Созмони Аҳдномаи амнияти дастҷамъӣ доир шуд
