Дар Сарпрокуратураи ҳарбӣ оид ба иҷрои талаботи қонун дар самти даъвати шаҳрвандон ҷаласа доир гардид
ДУШАНБЕ, 21.09.2024. /АМИТ «Ховар»/. Дар Сарпрокуратураи ҳарбии Ҷумҳурии Тоҷикистон бо иштироки роҳбарони масъули сохторҳои ҳарбӣ, мақомоти давлатии вобастаи даъват, комиссарони ҳарбӣ ва дигар масъулони ҷузъу томи низомӣ доир ба иҷрои талаботи қонуну санадҳои амалкунанда дар самти даъвати шаҳрвандон ба хизмати ҳарбӣ ҷаласаи васеи ҳайати мушовара баргузор гардид. Дар ин хусус ба АМИТ «Ховар» дар Вазорати мудофиаи ҷумҳурӣ хабар доданд.
Дар ҷаласа масъалаҳои вобаста ба ҳолати иҷрои қонунгузории соҳаи даъват дар даъвати баҳорӣ, инчунин ташкил ва муташаккилона гузаронидани даъвати тирамоҳии имсола, ки аз 1 октябр оғоз меёбад, мавриди баррасӣ қарор гирифтанд.
Иброз гардид, ки ҳамасола даъвати шаҳрвандон ба хизмати ҳарбӣ дар сатҳи зарурӣ гузаронида шуда, сафи ҷавононе, ки ба таври ихтиёрӣ ба хизмат фиристонида мешаванд, зиёд ва нақшаи даъват иҷро мегардад. Дар баробари ин, комиссияҳои даъватӣ дар баъзе мавридҳо ба қонунвайронкуниҳо роҳ медиҳанд, ки барои пешгирию бартараф кардани онҳо қарорҳои дахлдор қабул карда шудаанд.
Ҳамзамон масъулини мақомоти давлатии вобастаи даъват вазифадор гардиданд, ки даъвати навбатиро дар доираи талаботи қонунҳо ва Фармони Президенти Ҷумҳурии Тоҷикистон «Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1997-2006 -и Ҷумҳурии Тоҷикистон ба хизмати ҳарбӣ» амалӣ карда, ин маъракаи муҳими сиёсӣ ва дорои аҳамияти мудофиавиро дар сатҳи баланд ҷамъбаст намоянд.
АКС: Вазорати мудофиаи Ҷумҳурии Тоҷикистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
