РУШДИ САЙЁҲӢ. Дар шаҳри Бӯстон барои ҳунармандони истеҳсолкунандаи армуғон озмун эълон гардид
ДУШАНБЕ, 14.09.2024. /АМИТ «Ховар»/. Мақомоти иҷроияи ҳокимияти давлатии шаҳри Бӯстон баҳри дарёфти ҳунармандони соҳибистеъдод дар самти истеҳсоли армуғони беҳтарин барои сайёҳон озмуни шаҳрӣ эълон менамояд. Мавод барои иштирок дар озмун дар Мақомоти иҷроияи ҳокимияти давлатии шаҳри Бӯстон то 20 сентябри соли равон қабул карда мешавад. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии шаҳри Бӯстон хабар медиҳад.
Армуғони пешниҳодшуда бояд санъати миллиро инъикос намояд. Ҳамчунин дар армуғонҳо бояд манзараҳои зебои Тоҷикистон, маконҳои таърихӣ ва расму оини миллӣ инъикос гардида бошанд.Армуғони пешниҳодшуда бояд мазмуну муҳтавои баланд дошта, туҳфаи беҳтаринро таҷассум карда тавонад.
Маводи пешниҳодшуда набояд аз бозор харидорӣ гардад, балки он бояд маҳсули дасти ҳунарманд бошад. Муаллиф дар рӯзи баргузории озмун бояд онро муаррифӣ намуда, ҷараёни иҷрои онро нишон диҳад.
Дар озмун ҳунармандон ва сокинони шаҳри Бӯстон, ки ба истеҳсоли армуғон ва маҳсулоти ҳунармандӣ машғул мебошанд ва дар ташкилоту муассисаҳои ҳудуди шаҳри Бӯстон фаъолият менамоянд, бо пешниҳоди маълумотнома аз ҷойи кор метавонанд иштирок намоянд.
Ғолибони озмун бо Диплом ва туҳфаҳои хотиравии Мақомоти иҷроияи ҳокимияти давлатии шаҳри Бӯстон сарфароз гардонида мешаванд.
Озмун бо мақсади тарғиби таҷрибаи беҳтарини ҳунармандон дар самти истеҳсоли армуғони беҳтарин барои сайёҳон эълон гардидааст.
АКС: Мақомоти иҷроияи ҳокимияти давлатии шаҳри Бӯстон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
