Рушди иҷтимоию сиёсии Тоҷикистон дар марҳилаи нави ташаккули давлатдории миллӣ баррасӣ шуд
ДУШАНБЕ, 06.09.2024 /АМИТ «Ховар»/. 5 сентябр дар Муассисаи давлатии «Осорхонаи миллӣ»-и Дастгоҳи иҷроияи Президенти Ҷумҳурии Тоҷикистон дар ҳамкорӣ бо Маркази тадқиқоти стратегии назди Президенти Ҷумҳурии Тоҷикистон бахшида ба 33-солагии Истиқлолияти давлатии Ҷумҳурии Тоҷикистон таҳти унвони «Рушди иҷтимоию сиёсии Тоҷикистон дар марҳилаи нави ташаккули давлатдории миллӣ» конфронси ҷумҳуриявии илмӣ-амалӣ баргузор гардид. Дар ин хусус ба АМИТ «Ховар» дар хадамоти матбуоти Маркази тадқиқоти стратегии назди Президенти Ҷумҳурии Тоҷикистон хабар доданд.
Дар ҳамоиш мушовири калони бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Нурулло Оқилзода дастовардҳои замони Истиқлоли давлатиро ба сиёсати созандаю хирадмандона ва ташаббусҳои ҷаҳонии Президенти Тоҷикистон муҳтарам Эмомалӣ Раҳмон рабт дода, таъкид дошт, ки таҷлили 33-солагии Истиқлолияти давлатӣ, тантанаи ваҳдати миллӣ ва меҳнати созанда ба хотири ободию пешрафти Тоҷикистон мебошад.
Иброз гардид, ки дар асоси ташаббусҳои Тоҷикистон қабул гардидани 11 қатънома аз ҷониби Созмони Милали Муттаҳид ва ин иқдоми байналмилалии мамлакати моро ҷонибдорӣ намудани дигар давлатҳо натиҷаи сиёсати дурбинона ва зеҳнгароёнаи Ҳукумати Ҷумҳурии Тоҷикистон бо роҳбарии Президенти Тоҷикистон муҳтарам Эмомалӣ Раҳмон мебошад.
Ба андешаи Директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода, вазъияти иқтисодии ҷаҳон, тағйир ёфтани вазъияти геополитикӣ ва афзоиши рақобатҳо моро водор менамояд, ки дар асоси таҳлили амиқи вазъият ва дарки равшани аҳамияти сарҷамъии миллат ба шароити муосир зуд мутобиқ гардида, тафаккури миллиро инкишоф диҳем.
«Истиқлолият барои мо нишонаи барҷастаи пойдории давлат, бақои симои миллат, рамзи асолату ҳувият, ормонҳои таърихӣ, шиносномаи байналмилалӣ ва шарафу эътибори ба ҷаҳони мутамаддин пайвастани давлати соҳибистиқлоли Тоҷикистон мебошад», — изҳор дошт Хайриддин Усмонзода.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
«ЯК РӮЗИ ҶАВОНӢ». Дар муассисаҳои таҳсилоти олӣ ва миёнаи касбии Тоҷикистон силсилавохӯриҳо доир мешаванд
Оид ба иҷрои «Барномаи давлатии мусоидат ба шуғли аҳолии Ҷумҳурии Тоҷикистон барои солҳои 2023-2027» ҷаласа баргузор шуд
Дар шаҳраки Адрасмон бахшида ба Рӯзи байналмилалии оила ҳамоиши идона доир гардид
ОИЛА-МАКОНИ МЕҲРУ САДОҚАТ. Дар ноҳияи Варзоб барномаи фарҳангию фароғатӣ баргузор шуд
Дар Ҳисор бахшида ба Рӯзи байналмилалии оила ҳамоиши идона доир гардид
Доир ба масъалаи масъулияти блогерон дар таъмини фазои иттилоотӣ вохӯрӣ баргузор шуд
КОНФРОНСИ 35-УМИ МИНТАҚАВИИ СОЗМОНИ ОЗУҚАВОРӢ ВА КИШОВАРЗИИ СММ. Оид ба нақши занон дар таъмини амнияти озуқаворӣ ҳамоиш доир шуд
Байни Тоҷикистон ва Чин дар самти таҳқиқоти академӣ Ёддошти тафоҳум оид ба ҳамкорӣ ба имзо расид
«БЕҲТАРИН УСТО ВА ШОГИРД». Ғолибони фестивал-озмуни ҳунармандону косибон аз рӯйи чор номинатсия муайян гардиданд
Ёддошти тафоҳум оид ба ҳамкорӣ байни Ҳизби Халқии Демократии Тоҷикистон ва Ҳизби Коммунистии Чин ба имзо расид
Оид ба саҳми илм дар амалисозии ташаббусҳои байналмилалии Тоҷикистон конфронси илмӣ доир гардид
Посух ба муроҷиати шаҳрванди Афғонистон Муҳаммад Ҳаким Турсун
