Роҳҳои мошингарди шаҳри Кӯлоб таҷдиду навсозӣ мегарданд
КӮЛОБ, 26.09.2024 /АМИТ «Ховар»/. Роҳҳои мошингарди шаҳри Кӯлоб таҷдиду навсозӣ мегарданд.
Тавре ба хабарнигори минтақавии АМИТ «Ховар» Сулаймон Холзода дар Мақомоти иҷроияи ҳокимияти давлатии шаҳри Кӯлоб иттилоъ доданд, Корхонаи воҳиди давлатии таъмиру барқарорсозии роҳҳои автомобилгарди шаҳри Кӯлоб таъмири асосии роҳҳои дохили шаҳрро оғоз кардааст.
Ба иттилои роҳсозон, давоми солҳои охир дар натиҷаи боронҳои сел ва дигар сабабҳо баъзе мавзеъҳои роҳи хиёбони Исмоили Сомонӣ, Сангак Сафаров ва кӯчаи ба номи Нурулло Ҳувайдуллоев таъмирталаб гардидаанд. Бо истифода аз техникаҳои муосири роҳсозӣ ва мутахассисони соҳа бо дастрасӣ ба масолеҳи хушсифати сохтмонӣ дар хиёбони Исмоили Сомонӣ, кӯчаи Худоёр Назаров, кӯчаи ба номи Сангак Сафаров ва кӯчаи Пушкин роҳҳои мошингард таъмир мешаванд.
Мақомоти иҷроияи ҳокимияти давлатии шаҳри Кӯлоб ба таъмиру барқарорсозии роҳҳо аҳамияти хосса зоҳир намуда, давоми ду соли охир дар маҳаллаҳои Ҷомӣ, Пашшадара, ҷамоатҳои деҳот ва маҳаллаҳои навбунёд аз ҳисоби маблағҳои мақомот ва ҷалби соҳибкорон роҳҳои маҳаллӣ ҷавобгӯ ба меъёрҳои роҳсозӣ мумфарш шуданд. Инчунин барои аз байн бурдани танбашавии нақлиёт дар хиёбони марказии шаҳр роҳи алтернативӣ бунёд шуд, ки равуои мошинҳоро дар ин масир осон гардонид.
Давоми як ҳафтаи дигар қитъаҳои таъмирталаби хиёбони Исмоили Сомонӣ, кӯчаҳои Худоёр Назаров, Пушкин ва Сангак Сафаров пурра аз таъмир бароварда мешаванд.
Дар шаҳри Кӯлоб роҳҳои мошингарди чандин маҳаллаҳо таъмирталаб буданд, ки аз таъмири асосӣ бароварда шуда, асфалпӯш карда шуданд. Ин нишони он аст, ки рӯз аз рӯз кӯчаҳои шаҳр ободу зебо гардида, симои шаҳрро дигаргун менамоянд.
Бояд гуфт, ки бо мақсади сазовор истиқбол гирифтани ҷашни 35- солагии Истиқлоли давлатии Ҷумҳурии Тоҷикистон дар шаҳри Кӯлоб корҳои ободонию созандагӣ вусъати тоза мегиранд. Дар айни замон дар маркази шаҳр сохтмони иншооти баландошёнаи истиқоматӣ идома дорад, ки дар арафаи ҷашни 35-солагии Истиқлоли давлатӣ аксари онҳо ба истифода дода мешаванд.
АКС: АМИТ «Ховар»
Оид ба таъмини амнияти долонҳои энергетикӣ-нақлиётӣ ва таъсири он ба рушди минтақаи Осиёи Марказӣ конфронс доир шуд
Иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Бо ZET-MOBILE миллионер шавед!
Дар Хуҷанд барои пешгирии бемориҳои сироятӣ вохӯрӣ доир шуд
Имрӯз дар шаҳри Душанбе борон меборад
Пагоҳ иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
