«ТОЗАГИИ СОҲИЛ». Дар доираи ташаббуси экологӣ соҳилҳои Ҳафткӯл тоза карда шуд
ДУШАНБЕ, 10.09.2024 /АМИТ «Ховар»/. Бо мақсади татбиқи ҳадафҳои Даҳсолаи байналмилалии амал «Об барои рушди устувор, солҳои 2018-2028» ва «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» дар мавзеи Ҳафткӯли шаҳри Панҷакент ташаббуси экологии «Тозагии соҳил» ва ҳашари дастҷамъона баргузор гардид.
Хабарнигори АМИТ «Ховар», ки дар ин иқдом иштирок дошт, иттилоъ медиҳад, ки ташаббуси экологии «Тозагии соҳил» ва ҳашари дастҷамъона бо ибтикори Кумитаи ҳифзи муҳити зисти назди Ҳукумати Ҷумҳурии Тоҷикистон дар доираи Эко-ниммарафони байналмилалии кӯҳӣ гузаронида шуда, дар он беш аз 350 варзишгар ва кормандони гуногункасб фаъолона иштирок намуданд.
Дар доираи ташаббуси экологии «Тозагии соҳил» ва ҳашари дастҷамъона соҳилҳои «Ҳафткӯл» аз партов ва ифлосиҳо тоза гардиданд. Ин тадбири экологӣ ба беҳбуд бахшидан ба вазъи экологии маҳалҳо ва баланд бардоштани сатҳи маърифати экологии аҳолӣ дар мавзеи «Ҳафткӯл» мусоидат менамояд.
Тавре муовини сардори шуъбаи ҳифзи муҳити зисти шаҳри Панҷакент Абдувоҳид Муъминзода дар суҳбат ба хабарнигори АМИТ «Ховар» гуфт, «бо мақсади тозаю озода нигоҳ доштани соҳилҳои Ҳафткӯл дар даромадгоҳи ҳар кӯл шиору овезаҳо насб амалӣ гардиданд. Тавассути ин шиору овезаҳо шаҳрвандон –сайёҳон ва нафароне, ки барои истироҳат ба ин мавзеъ меоянд, даъват карда мешаванд, ки табиатро ҳифз намоянд ва ба кӯл партов напартоянд».
Имсол дар шаҳри Панҷакент 18 маротиба ташаббуси «Тозагии соҳил», 19 маротиба «Тозагии маҳал» ва 22 маротиба «Тозагии шоҳроҳ» гузаронида шуд. Тавассути онҳо беш аз 180 метри мукааб партовҳои истеъмолӣ ва истеҳсолӣ, ки дар шафати соҳилҳо, маҳалҳо ва роҳу шоҳроҳҳо ба таври ғайрирасмӣ ҷойгир гардида буданд, ба партовгоҳи расмии шаҳр интиқол дода шуданд.
Марзия САИДЗОДА,
АМИТ «Ховар»
Душанбе-Ҳафткӯл-Душанбе
АКС: АМИТ «Ховар»
Дар озмуни вилоятии «Барномасози ҷавон» 34 довталаб аз муассисаҳои таълимии Бадахшон иштирок намуд
Дар ноҳияи Ёвон Дави миллӣ ва марафони велосипедронӣ баргузор шуд
Бахшида ба 70-солагии таъсиси шаҳри Бӯстон Озмуни шаҳрии «Китобхонаи беҳтарин» баргузор гардид
Кирмакпарварони ноҳияи Панҷ беш аз 78 фоизи нақшаи пилласупориро иҷро намуданд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Даври якуми озмуни ҷумҳуриявӣ дар муассисаҳои таҳсилоти миёна ва олии касбӣ оғоз гардид
Имрӯз дар шаҳри Душанбе ҳаво то 35 дараҷа гарм мешавад
«ФАРЗАНД — ИДОМАДИҲАНДАИ ОИЛА». Дар ноҳияи Данғара таҳти ин унвон иқдоми маърифатӣ гузаронида шуд
Ғолибони озмуни «Донандаи беҳтарин асарҳои Пешвои миллат» дар Донишгоҳи давлатии Хоруғ муайян гардиданд
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
САВГАНДИ САДОҚАТ БА ХАЛҚУ ВАТАН! Дар шаҳри Бӯстон маросими савгандёдкунии наваскарон баргузор гардид
КИРМАКПАРВАРӢ. Имсол ба ҷамоатҳои шаҳри Истаравшан 200 қуттӣ кирмак тақсим карда шуд
Барои муштариёни Суғду Хатлон – тарофаҳои дорои интернети бештар
