Вобаста ба ҷалби бештари ҷавонписарони солим ба сафи Қувваҳои Мусаллаҳ ҷамъомад доир гардид
ДУШАНБЕ, 24.09.2024 /АМИТ «Ховар»/. Дар доираи чорабиниҳои пешаздаъватӣ ва бо мақсади ҷалби ҳарчи бештари ҷавонписарони солиму бардам ба сафи Қувваҳои Мусаллаҳи ҷумҳурӣ дар Вазорати мудофиаи Тоҷикистон ҷамъомад баргузор гардид. Дар ин хусус ба АМИТ «Ховар» дар ин вазорат хабар доданд.
Дар ҷамъомад Вазири мудофиаи мамлакат Шералӣ Мирзо доир ба дастуру супоришҳои Сарфармондеҳи Олии Қувваҳои Мусаллаҳи Ҷумҳурии Тоҷикистон, генерали артиш муҳтарам Эмомалӣ Раҳмон ибрози назар карда, даъвати баҳории соли равон ва дар маҷмуъ чорабиниҳои даъватии соли 2023-ро мавриди таҳлилу баррасии ҳамаҷониба қарор дод.
Изҳор шуд, ки дар баробари комёбиву пешравиҳои назаррас ҳанӯз ҳам дар фаъолияти баъзе комиссияҳои даъватӣ камбудиҳо ба чашм мерасанд, ки ин боиси нигаронӣ мебошад.
Барои бартараф намудани ҳама гуна монеаву мушкилоти ҷойдошта супориш дода шуд, ки масъулини комиссариатҳои ҳарбии вилоятҳо ва шаҳру ноҳияҳои мамлакат барои сифатан хуб ташкил намудани чорабиниҳои даъватӣ, пеш аз ҳама, бо мақомоти иҷроияи ҳокимияти давлатии шаҳру ноҳияҳо, аҳли ҷомеа ва мардум, ҷавонписарони синни даъватӣ, волидони онҳо, мақомоти вобастаи даъват ва дигар афроди некбини ҷомеаи имрӯза ҳамкориву ҳамоҳангиро ҳамаҷониба таҳким бахшида, корҳои фаҳмондадиҳӣ ва дигар чорабиниҳои ташвиқотиву тарғиботиро дар байни аҳолӣ ба таври густурда амалӣ намоянд.
Вазири мудофиаи Тоҷикистон бо ёдоварӣ аз муроҷиати шаҳрвандон таъкид намуд, ки дар ҳама комиссариатҳои ҳарбӣ ба муроҷиати мардум, ки ба масъалаи даъват дар самти комиссариатҳои ҳарбӣ вобастагӣ доранд, диққати ҷиддӣ равона карда, дар доираи талаботи қонунҳои амалкунанда барои ҳалли мушкилоти шаҳрвандон сари вақт чора бинанд.
Тартиби бақайдгирии дурусти шаҳрвандон, омӯзиши шахсияти даъватшавандагон, ба талабот ҷавобгӯ гардонидани нуқтаҳои даъват, интихобу ба сафи Қувваҳои Мусаллаҳ фиристодани ҷавонони солиму бардам ва болаёқат, пешгирии роҳҳои ғайриқонунии даъват, бо ҷалби қувваҳои эҳтиётӣ ташкил намудани ҷамъомаду машғулияти нақшавӣ, дар шаҳру ноҳияҳои ҷумҳурӣ дақиқ муайян кардани шумораи захираҳои сафарбарӣ, пешгирӣ намудани сатҳи содиршавии ҳама гуна қонуншиканиҳо, бахусус ҷиноятҳои дорои хусусияти коррупсионӣ ва диққати аввалиндараҷа равон кардан ба сатҳу сифати даъвати ҷавонписарон масъалаҳои муҳиму баррасишавандаи ҷамъомад буданд.
АКС: Вазорати мудофиаи Ҷумҳурии Тоҷикистон
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
