Рушди робитаҳои дуҷониба байни Тоҷикистон ва Арабистони Саудӣ баррасӣ гардид
ДУШАНБЕ, 01.10.2024. /АМИТ «Ховар»/. 30 сентябр дар шаҳри Душанбе мулоқоти Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода бо Вазири ҳаҷ ва умраи Шоҳигарии Арабистони Саудӣ Тавфиқ ибни Фавзон ар-Рабиъа баргузор гардид, ки зимни он масъалаи таҳкими ҳамкории Тоҷикистон ва Арабистони Саудӣ дар соҳаҳои фарҳанг ва сайёҳӣ мавриди баррасӣ қарор дода шуд. Дар ин хусус мухбири АМИТ «Ховар» хабар медиҳад.
Дар ҷараёни мулоқот ҷонибҳо масъалаҳои муҳими ҳамкорӣ дар соҳаҳои мавриди таваҷҷуҳ, аз ҷумла табодули таҷриба дар самти истифодаи технологияҳои рақамӣ дар ташкилу танзими сафарҳои шаҳрвандони Тоҷикистон, инчунин густариши ҳамкорӣ дар самти тарғиби имконияти сайёҳии ду давлатро мавриди муҳокима қарор доданд.
Раиси Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон Сулаймон Давлатзода изҳор дошт, ки ҳарду давлат зарфияти бузурги истифоданашуда дар самти ҷалби мутақобили сайёҳонро доро мебошанд.
Вазири ҳаҷ ва умраи Шоҳигарии Арабистони Саудӣ Тавфиқ ибни Фавзон ар-Рабиъа изҳор намуд, ки Шоҳигарии Арабистони Саудӣ ҳамеша омода аст, ки шароити хуби сафарҳои шаҳрвандони Тоҷикистонро ба ин кишвар фароҳам орад ва ба рушди ҳамкории мутақобилан судманд дар ҳама самтҳои ҳамкорӣ саҳм гузорад.
АКС: АМИТ «Ховар»
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
