Дар 11 дидбонгоҳҳои сарҳадӣ ва қисмҳои ҳарбии ноҳияи Рӯшон чорабиниҳои гуногуни маърифатӣ баргузор шуд
ДУШАНБЕ, 07.10.2024. /АМИТ «Ховар»/. Бо ибтикори Саридораи ҳифзи сирри давлатии назди Ҳукумати Ҷумҳурии Тоҷикистон дар ҳамкорӣ бо Мақомоти иҷроияи ҳокимияти давлатии ноҳияи Рӯшон бахшида ба 33-солагии Истиқлолияти давлатӣ ва Рӯзи забони давлатӣ дар 11 дидбонгоҳҳои сарҳадӣ ва қисмҳои ҳарбии ноҳияи Рӯшон чорабиниҳои гуногуни маърифатӣ ва фарҳангиву фароғатӣ баргузор карда шуд. Дар ин хусус ба АМИТ «Ховар» дар Саридораи ҳифзи сирри давлатӣ хабар доданд.
Зимни суҳбат бо хизматчиён сардори Саридора аз дастовардҳои беназири даврони соҳибистиқлолӣ ва мақоми давлатӣ гирифтани забони тоҷикӣ ёдовар гардида, таъкид намуд, ки соҳибистиқлолии Ҷумҳурии Тоҷикистон барои таҳкими ҳокимияти давлатӣ ва муайян намудани самтҳои инкишофи ҷомеаи демократӣ, дунявӣ ва ҳуқуқбунёду ягона асос ва заминаи воқеӣ фароҳам овард. Ин аст, ки Тоҷикистон дар тамоми самтҳо ба марҳилаи рушди устувор ворид шуда, сатҳи зиндагии мардум пайваста боло бардошта мешавад.
Зимни вохӯрӣ ҳайати гурӯҳи корӣ ба афсарону сарбозон ва ҷавонмардони далери Ватан, ки дар ин минтақаи баландкӯҳи ҷумҳурӣ баҳри дифои марзу буми Ватан хизмат менамоянд, иброз доштанд, ки Ҷумҳурии Тоҷикистон дорои артиши пурқудрат буда, хизмат дар он вазифаи муқаддаси ҳар шаҳрванди комил ба ҳисоб меравад. Дар ин мактаби ҷасорату мардонагӣ маҳз сарбозон ва афсарони содиқи Ватан обутоб ёфта, барои ҳифзи марзу буми ҷумҳурӣ омода мешаванд.
Дар идома барои болидахотирии афсарону сарбозон барномаи фарҳангӣ — фароғатии омоданамудаи аҳли фарҳанги ноҳия тақдим карда шуд.
АКС: Саридораи ҳифзи сирри давлатии назди Ҳукумати Ҷумҳурии Тоҷикистон
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
Котиби Шурои амнияти мамлакат бо Сафири Покистон дар Тоҷикистон мулоқот намуд
ҚОИДАҲОИ БЕХАТАРӢ АЗ СӮХТОРРО РИОЯ НАМОЕД! Дар Тоҷикистон беш аз 500 ҳодисаи сӯхтор ба қайд гирифта шудааст
Прокуратураи генералӣ оид ба иҷрои қонунгузории мамлакат беш аз 4,6 ҳазор санҷиш гузаронид
Дар Тоҷикистон беш аз 600 ҳолати машғул шудан ба ҷодугарӣ ва фолбинӣ ошкор карда шуд
НИШАСТИ МАТБУОТӢ. Дар Тоҷикистон сатҳи содиршавии ҷиноят 10,3 фоиз коҳиш ёфтааст
Рамазон Раҳимзода: «Ҷавобгарӣ барои таваққуф дар қаторҳои дуюм ва сеюм пурзӯр карда мешавад»
