Дар шаҳри Гулистон ҳамоиши ҳарбӣ баргузор гардид
ДУШАНБЕ, 29.10.2024 /АМИТ «Ховар»/. Дар шаҳри Гулистони вилояти Суғд бо иштироки сарбозон ва ҷавонони фаъол таҳти унвони «Хизмати ин Ватан агар, ман накунам, кӣ мекунад?!» ҳамоиш баргузор гардид. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Гулистон хабар доданд.
Ҳадафи баргузории ҳамоиш бедор намудани ҳисси ватандӯстӣ, ҷалби ҷавонон ба сафи Қувваҳои Мусаллаҳи Ҷумҳурии Тоҷикистон ва саҳм гузоштан дар ҳифзи марзу буми мамлакат арзёбӣ гардид.
Хизмат дар сафи Қувваҳои мусаллаҳи Ҷумҳурии Тоҷикистон ҳифзи Ватан, ҳимояи манфиати давлат, таҳкими истиқлолият, амният ва иқтидори мудофиавии он вазифаи муқаддаси ҳар шаҳрванд аст.
Таъкид гардид, ки шароити сарбозону афсарон аз лиҳози моддиву маънавӣ ва дастрасӣ ба техникаҳои муосир беҳтар гардида, аз ҷавонони ватандӯст танҳо зиракиву ҳушёрӣ, хизмати содиқонаву софдилона ба халқу Ватан, эҳтиром ва ҳимояи арзишҳои миллӣ, ҳифзи муқаддасоти давлатӣ ва поку беолоиш нигоҳ доштани хоки муқаддаси ин сарзамин талаб карда мешавад.
Хизматчиёни ҳарбӣ дар баробари адои хизмати Ватан бо нишон додани ҳисси баланди худшиносӣ, эҳсоси масъулияти шаҳрвандӣ ва савганди ҳарбӣ ба Пешвои миллат ва халқу Ватан содиқу сазовор монда, минбаъд низ барои ҳифзи якпорчагии мамлакат, таъмини амният, ҳифзи сулҳу субот ва ҳимояи марзи Тоҷикистон кӯшиш менамоянд.
Дар фарҷом ба ҷавононе, ки нав ба сафи Ҳизби Халқии Демократии Тоҷикистон аъзо шудаанд, шаҳодатномаи ҳизбӣ ва ба сарбозоне, ки хизмати Ватанро софдилонаву содиқона иҷро менамоянд, Сипоснома ва туҳфаҳои хотиравӣ супорида шуданд.
Ёдовар мешавем, ки Мақомоти иҷроияи ҳокимияти давлатии шаҳр Гулистон нақшаи даъватро пеш аз муҳлат иҷро намуд. Дар даъвати тирамоҳӣ 30 наваскар даврҳои омӯзишии ронандагиро дар Ташкилоти ҷамъиятии мададгори мудофиа ба итмом расонида, соҳиби шаҳодатномаи ронандагӣ шуданд.
АКС: Мақомоти иҷроияи ҳокимияти давлатии шаҳри Гулистон
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
Дар муассисаҳои кумаки аввалини тиббию санитарии Тоҷикистон шакли намунавӣ амалӣ мегардад
ИМРӮЗ — РӮЗИ БАЙНАЛМИЛАЛИИ ЗАНОНИ ДЕҲОТ. Фаъолияти Раҳима Салимова дар деҳа намунаи ибрат аст
Маркази тадқиқоти стратегии Тоҷикистон ва Гурӯҳи муассисаҳои MERI-и Ҳиндустон ҳамкориро тақвият мебахшанд
РӮЗИ ҶАҲОНИИ КОҲИШИ ХАТАРИ ОФАТҲОИ ТАБИӢ. Барои пешгирӣ аз пайомадҳои офатҳои табиӣ шаҳрвандон низ бояд масъулиятшинос бошанд.
