Дар Женева чорабинии канории Тоҷикистон дар ҳошияи иҷлосияи 57-уми Шурои ҳуқуқи инсони Созмони Милали Муттаҳид баргузор шуд
ДУШАНБЕ, 04.10.2024 /АМИТ «Ховар»/. 2 октябр дар ҳошияи иҷлосияи 57-уми Шурои ҳуқуқи инсони Созмони Милали Муттаҳид дар шаҳри Женева чорабинии канории Ҷумҳурии Тоҷикистон дар ҳамкорӣ бо давлатҳои Осиёи Марказӣ таҳти унвони «Ҳуқуқи инсон ва ҳуқуқ барои рушд» баргузор гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар ҳамоиш намояндагони кишварҳои аъзои Шурои ҳуқуқи инсон, созмонҳои байналмилаливу минтақавӣ ва коршиносони соҳа иштирок намуданд.
Сафири Фавқулода ва Мухтори Ҷумҳурии Тоҷикистон дар Конфедератсияи Швейтсария, намояндаи доимии Ҷумҳурии Тоҷикистон дар назди Шуъбаи Созмони Милали Муттаҳид ва дигар ташкилоти байналмилалӣ дар Женева Шараф Шерализода таъкид намуд, ки аз ҷониби Тоҷикистон барои баланд бардоштани сатҳи зиндагии инсон ва маърифатнокии онҳо чораҳои амалӣ қабул гардидаанд.
Аз ҷумла, Шараф Шерализода доир ба қабули «Стратегияи миллии Ҷумҳурии Тоҷикистон дар соҳаи ҳифзи ҳуқуқи инсон барои давраи то соли 2038 ва Нақшаи амали он барои солҳои 2023-2025», Соли маърифати ҳуқуқӣ эълон гардидани соли 2024 ва қабули Қонуни Ҷумҳурии Тоҷикистон «Дар бораи танзими ҷашну маросим дар Ҷумҳурии Тоҷикистон» суханронӣ намуда, доир ба ташаббусҳои глобалии Ҷумҳурии Тоҷикистон дар самти обу иқлим, ки ба рушди ҳуқуқи инсон ва алалхусус ҳуқуқ барои рушд равона шудаанд, маълумот пешниҳод намуд.
АКС: Вазорати корҳои хориҷии Ҷумҳурии Тоҷикистон
Дар Душанбе машваратҳои сиёсӣ байни Тоҷикистон ва Австрия доир шуданд
Дар Женева робитаҳои Тоҷикистон бо Иттиҳоди байнипарлумонӣ мавриди баррасӣ қарор гирифтанд
Сафири Тоҷикистон бо Вазири кишоварзӣ ва озуқавории Беларус мулоқот намуд
Байни Тоҷикистон ва Қатар ҳамкории дуҷониба дар соҳаҳои сармоягузорӣ густариш меёбад
Дар шаҳри Ҳамбург ҷашни Меҳргон таҷлил гардид
Шараф Шерализода бо мудири минтақавӣ ва намояндаи Дафтари Аврупоии Барномаи муҳити зисти СММ мулоқот намуд
Масъалаи барқарории робитаҳои бародаршаҳрӣ байни Кирмоншоҳи Эрон ва яке аз шаҳрҳои Тоҷикистон матраҳ шуд
Дар Вазорати корҳои хориҷии Тоҷикистон намоиши ҷашнӣ ифтитоҳ гардид
Тоҷикистон ва Молдова ҳамкориро дар самтҳои мухталиф баррасӣ намуданд
«ЭМОМАЛӢ РАҲМОН — ДИПЛОМАТИЯИ ОБ: АЗ ҚАДАМИ АВВАЛ ТО БА ШАРИКИИ ГЛОБАЛӢ». Нашриёти «Весь мир» таҳти ин унвон китоб нашр кард
Тоҷикистон ва Кувайт масъалаи афзоиш додани гардиши мол байни ду давлатро баррасӣ намуданд
Тоҷикистон ва Кувайт тақвияти робитаҳоро дар самтҳои иқтисод ва тиҷорат муҳим арзёбӣ намуданд
