Маҳфили тарғиботчиёни ҷавон «Андеша» ба ташаббуси ҳафтуми Президенти Тоҷикистон «Даҳсолаи таҳкими сулҳ ба хотири наслҳои оянда» бахшида шуд
ДУШАНБЕ, 09.10.2024 /АМИТ «Ховар»/. Дар шаҳри Хуҷанд нишасти навбатии маҳфили тарғиботчиёни ҷавон «Андеша» доир гардид, ки ба ташаббуси ҳафтуми Президенти Ҷумҳурии Тоҷикистон муҳтарам Эмомалӣ Раҳмон дар бораи бо қатъномаи махсуси Созмони Милали Муттаҳид эълон намудани «Даҳсолаи таҳкими сулҳ ба хотири наслҳои оянда» бахшида шуд.
Тавре АМИТ «Ховар» бо истинод ба Донишгоҳи давлатии Хуҷанд ба номи академик Бобоҷон Ғафуров хабар медиҳад, дар маҳфил беш аз ду ҳазор нафар устодону донишҷӯёни донишгоҳ тариқи ҳузуривӣ ва маҷозӣ иштирок намуданд.
Ректори Донишгоҳи давлатии Хуҷанд Аюб Усмонзода ташаббуси навбатии Президенти ҷумҳурӣ муҳтарам Эмомалӣ Раҳмонро барои шаҳрвандони Тоҷикистон, хосса устодону донишҷӯёни ин боргоҳи илму маърифат мояи ифтихор ва сарбаландӣ номид. Зеро Сарвари давлат яке аз нахустинҳо шуда, байни давлатҳои мамолики дунё ба ин масоили хеле муҳим таваҷҷуҳ зоҳир намуданд. Ин иқдом давоми мантиқии ташаббусҳои қаблии Президенти Ҷумҳурии Тоҷикистон дар раванди обу иқлим ва самти экология маҳсуб мешавад, ки дар асоси он Созмони Милали Муттаҳид 10 қатънома қабул намудааст.
Иброз гардид, ки шуруъ аз соли 2000-ум бо ташаббусҳои Сарвари давлат аз ҷониби Ассамблеяи генералии Созмони Милали Муттаҳид бо ҷонибдории аксарияти давлатҳои ҷаҳон 5 қарордоди муҳим: соли 2003 – Соли байналмилалии оби тоза, солҳои 2005-2015 – Даҳсолаи байналмилалии амал «Об барои ҳаёт», соли 2013 – Соли байналмилалии ҳамкорӣ дар соҳаи об, Солҳои 2018-2028 – Даҳсолаи байналмилалии амал «Об барои рушди устувор» ва соли 2025 – Соли байналмилалии ҳифзи пиряхҳо қабул гардид.
Изҳори боварӣ карда шуд, ки ташаббуси шашуми Президенти Тоҷикистон аз тарафи сарони давлатҳои Созмони Милали Муттаҳид ҷонибдорӣ ва дастгирӣ хоҳад ёфт. Зеро сулҳ, ваҳдат, якдилӣ ва оромиву осиштагӣ барои ҷомеаи ҷаҳонӣ неъматҳои муҳиме ба ҳисоб мераванд, ки миллатҳову давлатҳо ба он ниёзи бештар доранд.
АКС:Донишгоҳи давлатии Хуҷанд ба номи академик Бобоҷон Ғафуров
ИСТИҚЛОЛИЯТ ВА РУШДИ МАОРИФ. Ҳаҷми маблағгузории соҳаи маориф давоми 25 соли охир 224 баробар зиёд гардид
Дар Сеул оид ба сиёсати рушди сармояи инсонӣ дар соҳаи зеҳни сунъӣ форуми байналмилалӣ доир гардид
Байни Вазорати маориф ва илм ва Маркази байналмилалии иртиботи фарҳангии Малайзия Ёддошти тафоҳум ба имзо расид
Маркази барномаҳои байналмилалӣ қабули ҳуҷҷатҳои довталабонро ба донишгоҳҳои Узбекистон оғоз намуд
ИСТИҚЛОЛИЯТ ВА РУШДИ МАОРИФ. Дар вилояти Суғд 767 иншооти соҳаи маориф ба истифода дода шудааст
Дар муассисаҳои таҳсилоти миёнаи умумии Тоҷикистон зиёда аз 1 миллион китоби узбекӣ мавҷуд аст
СОЛИ ОБОДОНИЮ СОЗАНДАГӢ. Дар шаҳри Норак бинои нави муассисаи таълимӣ сохта мешавад
ИСТИҚЛОЛИЯТ ВА РУШДИ МАОРИФ. Дар вилояти Хатлон соҳаи маориф қариб ду баробар рушд намудааст
НИШАСТИ МАТБУОТӢ. Дар Филиали Донишкадаи энергетикии Москва дар шаҳри Душанбе лабораторияи нави «Электроникаи саноатӣ» кушода мешавад
Раиси шаҳри Шероз бо имконоти муосири таълимию илмии Донишгоҳи байналмилалии сайёҳӣ ва соҳибкории Тоҷикистон шинос шуд
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
