«НАҚШИ ҶАВОНОН ДАР ТАҲКИМИ ИСТИҚЛОЛИ ДАВЛАТӢ». Дар Душанбе ҳамоиши ҷавонони соҳаи энергетика доир гардид
ДУШАНБЕ, 18.10.2024 /АМИТ «Ховар»/. Бахшида ба ҷашни 33-солагии Истиқлоли давлатии Ҷумҳурии Тоҷикистон таҳти унвони «Нақши ҷавонон дар таҳкими Истиқлоли давлатӣ» дар Душанбе ҳамоиши ҷавонони соҳаи энергетика баргузор гардид, иттилоъ медиҳад АМИТ «Ховар» бо истинод ба Вазорати энергетика ва захираҳои оби Тоҷикистон.
Дар ҳамоиш намояндагони Кумитаи кор бо ҷавонон ва варзиш, Хадамоти давлатии назорати энергетикӣ, Ҷамъияти саҳомии кушодаи «Барқи тоҷик», Ҷамъияти саҳомии кушодаи «Шабакаҳои интиқоли барқ», Ҷамъияти саҳомии кушодаи «Шабакаҳои тақимоти барқ» ва Донишкадаи энергетикии Тоҷикистон доир ба нақш ва аҳамияти истиқлоли давлатӣ дар рушди мамлакат сухан гуфтанд.
Таъкид гардид, ки дар шароити мураккаби ҷаҳонишавӣ ҳифзи неъмати бебаҳо –арзишҳои Истиқлоли давлатӣ муҳим мебошад. Ҳукумати мамлакат ҳанӯз аз оғози даврони соҳибистиқлолӣ нисбат ба ҷавонон таваҷҷуҳ ва ғамхории махсус зоҳир намуда, амалӣ гардонидани тадбирҳои заруриро ба хотири дастгирии ҳамаҷонибаи онҳо то имрӯз идома медиҳад.
Инчунин иштирокдорони ҳамоиш доир ба дастовардҳои соҳаи энергетика дар даврони истиқлоли давлатӣ ибрози назар намуданд. Таъкид шуд, ки рушди энергетика муҳаррики иқтисодиёти мамлакат, омили ғанӣ гардидани буҷети давлат ва тавсеабахши соҳаи саноат мебошад. Иштирокдорони ҳамоиш инчунин бо намоиши дастовардҳои соҳаи энергетика шинос шуданд.
Дар анҷоми ҳамоиш ба як зумра ҷавонон барои саҳми арзанда дар рушди соҳа Сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон супорида шуд.
АКС: Вазорати энергетика ва захираҳои оби Ҷумҳурии Тоҷикистон
Судяҳои Тоҷикистон дар Конфронси байналмилалии антикризисӣ дар Қазоқистон иштирок намуданд
Масъалаҳои ислоҳоти судӣ байни Суди Олии Ҷумҳурии Тоҷикистон ва Барномаи рушди СММ баррасӣ гардиданд
ЗАНОН ВА СИЁСАТИ МИЛЛӢ. Дар ин мавзуъ ҳамоиши вакилзанон доир шуд
Муносибатҳои сиёсию иқтисодӣ ва фарҳангии Тоҷикистон бо давлатҳои Аврупо баррасӣ гардид
Дар доираи иҷлосияи 80-уми Маҷмаи Умумии Созмони Милали Муттаҳид масъалаҳои соҳаи тандурустӣ баррасӣ гардиданд
Доир ба нақши Мактаби давлатдории Эмомалӣ Раҳмон дар таҳкими маориф ва рушди он конференсия баргузор шуд
Дар ноҳияи Рӯдакӣ ҷаласаи Шурои муросо баргузор гардид
Дар Тоҷикистон маъракаи иммунизатсия бар зидди вируси папилломаи одам оғоз мегардад
Дурнамои ҳамкории Тоҷикистон ва Туркия дар самти меҳнат ва шуғли аҳолӣ баррасӣ гардид
Вобаста ба баланд бардоштани тавонмандсозӣ барои самаранокии идораи давлатӣ ҳамоиш доир шуд
«ЗАНОН ДАР ИҚТИСОДИ «САБЗ» ВА РАҚАМӢ». Дар шаҳри Гулистон Форуми минтақавии Муколамаи занони Осиёи Марказӣ доир шуд
Беш аз 80 ҳазор нафақагирони шаҳри Душанбе аз индексатсия баҳраманд шуданд
