Оид ба нақши Конститутсия ва Ҳизби Халқии Демократии Тоҷикистон дар таҳкими маърифати ҳуқуқии шаҳрвандон конференсия доир шуд
ДУШАНБЕ, 21.10.2024. /АМИТ «Ховар»/. Дар Донишгоҳи технологии Тоҷикистон ба ифтихори 30-солагии Конститутсияи Ҷумҳурии Тоҷикистон ва 30-солагии таъсиси Ҳизби Халқии Демократии Тоҷикистон, инчунин Соли маърифати ҳуқуқӣ дар мавзуи «Нақши Конститутсия ва Ҳизби Халқии Демократии Тоҷикистон дар таҳкими маърифати ҳуқуқии шаҳрвандон» конференсияи илмӣ-амалӣ баргузор гардид. Дар ин хусус ба АМИТ «Ховар» дар ин донишгоҳ иттилоъ доданд.
Ректори донишгоҳ Зоир Раҳмонзода иброз дошт, ки «Конститутсия асоси низоми қонунгузории мамлакат буда, дар заминаи он қонунҳо ва дигар санадҳои зерқонунӣ қабул карда мешаванд. Он соҳаҳои гуногуни ҳаёти ҷомеа ва сохтору фаъолияти давлатиро танзим намуда, барои рушди устувор ва босуръати иқтисодиву иҷтимоӣ ва сиёсиву фарҳангии мамлакат заминаи кофӣ фароҳам меорад».
Бо таваҷчуҳ ба бунёди давлати демокративу ҳуқуқбунёд имрӯз метавон гуфт, ки Ҳизби Халқии Демократии Тоҷикистон тавассути ҳидоятҳои ибратомӯзи Роҳбари соҳибфитрату накӯсиришт- Президенти Ҷумҳурии Тоҷикистон муҳтарам Эмомалӣ Раҳмон ҳамчун неруи тавонои пешбар дар ташаккул ва татбиқи арзишҳои миллӣ нақши муассиру мондагор дорад.
Зимни конференсияи илмӣ-амалӣ дар мавзуъҳои «Конститутсия ва нақши он дар баланд бардоштани маърифати ҳуқуқии шаҳрвандон», «Ҳизби роҳнамо-кафили саодат ва зиндагии шоистаи мардум» ва «Ҳизби Халқии Демократии Тоҷикистон-ҳизби ормонҳои миллӣ ва таҳкимбахши зиндагии шоиста» маърузаҳои илмӣ шунида шуданд.
Пас аз анҷоми конференсия ба як зумра меҳмонон Сипоснома ва ба 11 нафар ҷавонону омӯзгорон, ки нав ба сафи ҳизб дохил гардиданд, шаҳодатномаҳои ҳизбӣ супорида шуданд.
АКС: Донишгоҳи технологии Тоҷикистон
Дар минтақаи таълимию таҷрибавии «Хуррамзамин» боғи интенсивӣ бунёд мешавад
Аз ҷониби кормандони мақомоти гумрук дар Душанбе муомилоти ғайриқонунии маводи тарфгарӣ пешгирӣ карда шуд
Дар Тоҷикистон баландшавии ҳолати ифлосшавии ҳаво дар назар аст
Дар Донишкадаи давлатии санъати тасвирӣ ва дизайни Тоҷикистон 14 намоиш гузаронида шуд
Ҳавопаймои «Azerbaijan Airlines» дар наздикии шаҳри Актауи Қазоқистон суқут кард
Дар Душанбе масъалаи ҳифзи ҳуқуқҳои шахсони маъюб баррасӣ шуд
«Рақам» барои Суғд. Чӣ тавр МегаФон Тоҷикистон интернети мобилиро дар минтақа рушд медиҳад?
Дар Донишгоҳи давлатии Кӯлоб бахшида ба 100-солагии мунаққиди тоҷик Соҳиб Табаров ҳамоиш баргузор шуд
Кумитаи ҳолатҳои фавқулода ва мудофиаи граждании Тоҷикистон соҳиби 15 техникаи вазнин барои корҳои наҷот гардид
Имрӯз дар Тоҷикистон ҳаво тағйирёбандаи бебориш мешавад
ОБОДОНӢ ДАР ДЕҲОТ. Роҳи деҳаи Сари Чашмаи ноҳияи Файзобод мумфарш карда шуд
Аёдати беморон ва дидорбинии собиқадорон амали хайр аст
