«Орифе аз Ховалинг». Қиссаи нави барандаи Ҷоизаи адабии ба номи Садриддин Айнӣ Маҷид Салим ба нашр расид
ДУШАНБЕ, 09.10.2024. /АМИТ«Ховар»/. Қиссаи нави барандаи Ҷоизаи адабии ба номи Садриддин Айнӣ Маҷид Салим таҳти унвони «Орифе аз Ховалинг» ба нашр расид, иттилоъ медиҳад АМИТ «Ховар».
Дар қиссаи «Орифе аз Ховалинг» нависанда доир ба ҳаёту фаъолияти шоир Мирзо Бозори Ховалингӣ нақл намуда, хонандаро ба лаҳзаҳои нотакрори умри адиб шинос месозад.
Мирзо Бозор бо тахаллуси Хотир соли 1804 дар деҳаи Хосиёни Ховалинг ба дунё омадааст. Маълумоти ибтидоиро дар зодгоҳаш гирифта, баъдан барои мукаммал кардани савияи дониш ба Ҳиндустон сафар намуда, таҳсилро идома додааст.
Шоир илмҳои замонаш, сарфу навҳи забони арабӣ, фасоҳату балоғати шоирӣ, инчунин ҳунари хаттотиро аз бар кардааст. Ӯ яке аз донишмандону шоирони замони худ дониста шудааст.
Шоир баъди бозгашт дар зодгоҳаш зиндагӣ ихтиёр мекунад ва ба таълим додани хонандагон машғул мешавад. Соли 1885 дар зодгоҳаш аз олам чашм мепӯшад.
Аз Хотир мероси гаронбаҳо боқӣ мондааст. Девони шоир аз 400 ғазал, рубоиёт, қитъа, мухаммас, соқинома, марсия иборат буда, ба мавзуъҳои гуногуни зиндагии иҷтимоӣ ва фалсафӣ бахшида шудаанд. Ғазалҳои шоир аксаран равону пуробуранг буда, дар сабки Ҳофиз эҷод шудаанд.
Ёдовар мешавем, ки то ин муддат нависанда Маҷид Салим дар мавзуи олами ҷонварон ва табиат асарҳои бисёре ба нашр расонидааст. Ӯ давоми солҳои охир як силсила асарҳои таърихӣ, аз ҷумла романи «Ҳоҷӣ Ҳусайни Кангуртӣ», қиссаи «Офтоби тобон»-и Мир Саид Алии Ҳамадонӣ ва қиссаи «Темурмалик»-ро эҷод намудааст.
АКС: АМИТ «Ховар»
Намояндаи Тоҷикистон дар Фестивал-озмуни байналмилалии «Viva Astana» сазовори «Шоҳҷоиза» гардид
Аз 9 то 30 июн экспедитсияи муштараки бостоншиносии Тоҷикистон ва Фаронса гузаронида шуд
Адрасбоф Гулбону Наврӯзова: «Ҳадафи мо эҳёи ҳунарҳои миллӣ ва бо ҷойи кор таъмин намудани занону духтарон аст»
ПАЙВАНДИ ИНСОН БО ТАБИАТ ДАР «ШОҲНОМА»-И ФИРДАВСӢ. Мулоҳизаҳои Академик Фарҳод Раҳимӣ дар ин мавзуъ
Акбар Эронӣ: «Ибтикори Президенти Тоҷикистон оид ба таъсиси Ҷоизаи байналмилалии Ибни Сино иқдоми мондагор ва ояндасоз аст»
Туҳфаи Пешвои миллат — маҷмуи тӯбҳои расмии ҷомҳои ҷаҳонии FIFA ба Осорхонаи миллии Тоҷикистон тақдим гардид
БЕҲТАРИН КИТОБХОН. Таҳти ин унвон озмуни ҷумҳуриявӣ баргузор мегардад
Иштирокчиёни Форуми XI байналмилалии «Кӯдакони Иттиҳод» Қалъаи бостонии Ҳисорро тамошо намуданд
ШОМИ ВАҲДАТУ ҲАМДИЛӢ. Дар Осорхона-мамнуъгоҳи ҷумҳуриявии Данғара ҳамоиши сиёсӣ-фарҳангӣ баргузор шуд
СУЛҲИ БУНЁДКОРИ МО ОМАД! Дар нахустин гомҳои адабиёти тоҷикӣ шиори он ситоиши сулҳу оштӣ ва ҳамбастагии халқҳо буд
«САДОИ ВАҲДАТ». Дар Душанбе бахшида ба Рӯзи Ваҳдати миллӣ консерти байналмилалӣ баргузор мешавад
Муовини Сарвазири Бошқирдистон дар Осорхонаи миллӣ бо марҳилаҳои рушди давлатдории тоҷикон шинос гардид
