Шаҳри Роғун нақшаи даъвати тирамоҳии ҳарбиро пурра иҷро намуд
РОҒУН, 17.10.2024 /АМИТ «Ховар»/. Нақшаи даъвати тирамоҳӣ дар шаҳри Роғун пурра иҷро гардида, дар иҷрои он ҷавонони ҷасуру ватандӯсти шаҳри Роғун саҳми арзанда гузоштанд. Дар ин хусус ба мухбири АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии шаҳри Роғун хабар доданд.
Ҷавонони шаҳри Роғун бо амри дил барои адои қарзи фарзандӣ дар назди давлату миллат ва ҳифзи марзу буми меҳан ба сафи Артиши миллӣ пайваст гардиданд. Ҳамчунин қисми зиёди онҳо даври омӯзишии ронандагии Ташкилоти ҷамъиятии «Мададгори мудофиа»-ро хатм намуда, сазовори шаҳодатномаҳои ронандагӣ гардиданд. Онҳо дар сафи Артиши миллӣ ҳамчун мутахассис-ронандаи мошинҳои гаронвазн хизмати Ватанро оғоз намуданд.
Волидайни сарбозони шаҳри Роғун иброз доштанд, ки хизмат ба Ватан-Модар қарзи фарзандии ҳар ҷавонмард ба ҳисоб меравад. Ҳамасола Ҳукумати мамлакат барои фароҳам овардани шароити мусоид барои наваскарон дар қисмҳои низомӣ тадбирҳои мақсаднок меандешад.
Бо шукргузорӣ аз фазои сулҳу субот ва тинҷию амонӣ, ки дар ватани азизамон ҳукмфармо аст, сафи ҷавонони ихтиёрӣ дар шаҳри Роғун афзудааст. Тибқи иттилои масъулини шаҳри Роғун, ҷавонони шаҳр минбаъд низ барои ҳимояи марзу буми Ватан ба таври ихтиёрӣ ба хизмати ҳарбӣ мераванд.
АКС: Мақомоти иҷроияи ҳокимияти давлатии шаҳри Роғун
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 93,5 фоиз иҷро шуд
Ҷалби ноболиғон ба кирдорҳои зиддиҷамъиятӣ ҷавобгарии ҷиноятӣ дорад!
Дар Душанбе масоили таҳкими амният ва суботи Осиёи Марказӣ баррасӣ гардид
Дар Душанбе Форуми амниятии Осиёи Марказӣ оғоз гардид
Кибертерроризм — омилҳои таъсиррасон ва хатари он дар ҷаҳони муосир
Дар Душанбе Форуми амниятии Осиёи Марказӣ баргузор мешавад
Имрӯз дар Душанбе Вохӯрии сеюми котибони шуроҳои амнияти давлатҳои Осиёи Марказӣ баргузор гардид
Дар шаҳри Хоруғ даври вилоятии мусобиқаи «Ватанпарвар» баргузор гардид
«ШАҲРИ ҲУШМАНД». Дар Душанбе насби чароғакҳои замонавӣ оғоз гардид
Нақшаи даъвати баҳории шаҳрвандон ба сафи Қувваҳои Мусаллаҳи Тоҷикистон 89,1 фоиз иҷро шуд
Вазири корҳои дохилии Тоҷикистон дар Форуми байналмилалӣ доир ба мубориза бо маводи нашъаовар иштирок намуд
ПАСТ КАРДАНИ ХАВФИ ОФАТҲОИ ТАБИӢ. Беш аз 60 миллион сомонӣ барои ҳифзи минтақаҳои осебпазир ҷудо гардид
