СОЛИ МАЪРИФАТИ ҲУҚУҚӢ. Дар Душанбе вобаста ба самти нотариат конфронси байналмилалӣ доир шуд
ДУШАНБЕ, 03.10.2024 /АМИТ «Ховар»/. Имрӯз дар шаҳри Душанбе бо ташаббуси Саридораи нотариалии давлатии Вазорати адлияи Ҷумҳурии Тоҷикистон дар мавзуи «Даъватҳои замони муосир ва нотариат: дурнамо ва таҳлилҳо» конфронси байналмилалӣ баргузор гардид, ки дар кори он намояндагони соҳаи ҳуқуқ аз Ҷумҳурии Федеративии Олмон, Ҷумҳурии Узбекистон ва Ҷумҳурии Тоҷикистон суханронӣ намуданд, хабар медиҳад мухбири АМИТ «Ховар».
Дар конфронс масъалаҳои мубрами амалияи нотариалӣ, ба монанди шартномаи иштироки ҳиссагӣ дар сохтмон, муқовимат бо қонунигардонии даромадҳое, ки бо роҳи ҷиноят ба даст оварда шудаанд ва рақамикунонии фаъолияти нотариалӣ баррасӣ шуданд.
Аз ҷониби иштирокчиён иброз гардид, ки танҳо муттаҳид гардонидани имконият шароит фароҳам меорад, ки ба даъватҳои замони муосир, бахусус қонунигардонии даромадҳои бо роҳи ҷиноят бадастоварда истодагарӣ намуда, ҳуқуқ ва манфиатҳои шахсони воқеӣ ва ҳуқуқӣ, давлат ва ҷамъият ҳимоя карда шаванд.
Дар доираи конфронс ҳамчунин ба рақамикунонии фаъолияти нотариалӣ ҳамчун такони ҷиддӣ ба кафолатнокии ҳуқуқ ва озодиҳои инсон ва шаҳрванд таваҷҷуҳ зоҳир карда шуд.
Таъкид гардид, ки рақамикунонии фаъолияти нотариалӣ имконият медиҳад, ки сатҳ ва сифати хизматрасонии нотариалӣ беҳтар карда шуда, имконияти технологияи компютерӣ ба таври васеъ истифода шавад.
Шаҳлои САДРИДДИН,
АМИТ «Ховар»
АКС: АМИТ «Ховар»
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
