Валентина Матвиенко: «Дар муддати дуюним сол Душанбе ба таври шинохтанашаванда тағйир ёфтааст»
ДУШАНБЕ, 11.10.2024. /АМИТ «Ховар»/. Аз дидани гулҳои рангоранг ва буттаю дарахтони ороишию сояафкани кӯчаю хиёбонҳои сарсабзу хуррами Душанбе, ки табъи кас болида мегардад, хеле хушҳол шудам. Чунин иброз дошт 10 октябр андешаҳояшро дар оғози мулоқот бо Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон Раиси Шурои Федератсияи Маҷлиси Федералии Русия Валентина Матвиенко, иттилоъ медиҳад мухбири АМИТ «Ховар».
«Ман соли 2022 ба шаҳри Душанбе омада будам. Имрӯз дубора ба ин ҷо омада, шоҳиди он гардидам, ки Душанбе ба таври шинохтанашаванда тағйир ёфтааст. Ман имрӯз аз ин дигаргуниҳои пойтахти Тоҷикистон, хусусан меҳмоннавозии гарму самимии мардуми тоҷик хеле шод шудам», — гуфт Валентина Матвиенко.
Раиси Шурои Федератсияи Маҷлиси Федералии Русия изҳор дошт, ки дар муддати кӯтоҳ Душанбе симояшро куллан дигар кардаву бо суръат рушд намудааст, ки мояи ифтихории халқи тоҷик мебошад.
Валентина Матвиенко ҳамзамон иброз дошт, ки Русия ва Тоҷикистон шарикони воқеии стратегӣ мебошанд ва дар Русия ба рушду таҳкими рӯзафзуни муносибатҳои байнидавлатӣ бо Тоҷикистон аҳамияти зарурӣ дода мешавад.
Таъкид гардид, ки рушди ҳамкории Тоҷикистон ва Русия дар афзалияти сиёсати хориҷии Тоҷикистон боқӣ мемонад. Имрӯз байни ҳарду давлат ҳамкорӣ дар соҳаҳои тиҷорат, иқтисод, гуманитарӣ ва дигар самтҳо дар сатҳи баланд ба роҳ монда шудааст.
АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Дар Душанбе маросими пардабардорӣ аз нимпайкараи шоир, адиби классикии асри миёнаи Гурҷистон Шота Руставелӣ баргузор гардид
Бо мақсади муаррифии бештари имконияти сайёҳии шаҳри Душанбе лоиҳаи инноватсионии «QR-роҳнамо» таҳия гардид
Ҷаласаи Шурои ҳамоҳангсозии фаъолият дар соҳаи сайёҳӣ баргузор гардид
Эмомалӣ Раҳмон — меъмори сулҳ ва ваҳдати миллии тоҷикон
Дар Душанбе хатсайри нави автобуси барқӣ ба фаъолият оғоз намуд
Масоили рушди низоми нақлиёти шаҳри Душанбе бо БАТР баррасӣ гардид
Дурнамои рушди ҳамкорӣ байни шаҳри Душанбе ва Гурӯҳи Бонки ҷаҳонӣ баррасӣ гардид
РӮЗИ ФАРҲАНГИ НОҲИЯИ ШАҲРИНАВ. Ин чорабинӣ дар фазои идона баргузор шуд
РӮЗИ ФАРҲАНГИ НОҲИЯИ ПАНҶ. Деҳқонон беҳтарин маҳсулоти кишоварзиро пешниҳоди сокинону меҳмонони пойтахт намуданд
Имрӯз дар пойтахт Рӯзҳои фарҳангии ноҳияҳои Спитамен, Шаҳринав ва Панҷ баргузор мегардад
Имрӯз дар шаҳри Душанбе Рӯзи фарҳанги ноҳияи Рӯдакӣ доир шуд
РӮЗИ ФАРҲАНГИ ШАҲРИ ТУРСУНЗОДА. Аз маҳсулоти кишоварзӣ то ҳунарҳои мардумӣ муаррифӣ гардид
