ЗИМИСТОНГУЗАРОНӢ. Дар 42 сардхонаи шаҳри Ҳисор захираи маҳсулот идома дорад
ҲИСОР, 14.10.2024. /АМИТ «Ховар»/. Дар шаҳри Ҳисор нақшаи тадбирҳои омодагӣ барои дар сатҳи зарурӣ гузаронидани давраи тирамоҳу зимистон тасдиқ гардида, Ситоди шаҳрӣ оид ба сари вақт омода намудани соҳаҳои иқтисодиёт ва иҷтимоиёти ҷамоатҳои шаҳраку деҳоти шаҳр барои фаъолияти мунтазам ва самарабахш дар давраи тирамоҳу зимистони солҳои 2024-2025 таъсис дода шуд. Дар шаҳри Ҳисор 42 сардхона бо ғунҷоиши 9805 тонна маҳсулот мавҷуд буда, дар онҳо захиранамоии маҳсулоти кишоварзӣ идома дорад.
Тавре масъулини шаҳри Ҳисор ба мухбири минтақавии АМИТ «Ховар» Субҳониддини Маҳмуд хабар доданд, барои иҷрои Қарори Ҳукумати Ҷумҳурии Тоҷикистон «Доир ба сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2024-2025» дар соҳаи маориф то 5 октябри соли равон як ҳазору 400 тонна ангишт, 502 метри мукааб ҳезум ва 654 литр сӯзишвории дизелӣ захира карда шудааст.
Талаботи муассисаҳои таълимӣ ва муассисаҳои томактабӣ барои давраи тирамоҳу зимистони солҳои 2024-2025 дар шаҳри Ҳисор 2143 тонна ангишт, 1116 метри мукааб ҳезум ва 21 тонна сӯзишвории дизелӣ мебошад. Дар муассисаҳои таълимии шаҳри Ҳисор аз 42 буғхона 14 адад дар ҳолати корӣ қарор дошта, 166 гармкунаки барқӣ ва 2717 бухорӣ омода карда шудаанд.
Барои дар сатҳи баланд гузаронидани давраи тирамоҳу зимистони дарпешистода аз ҳисоби буҷети шаҳри Ҳисор барои харидани ангишт ва ҳезуму сӯзишворӣ ду миллиону 150 ҳазору 525 сомонӣ пешбинӣ шуда, то 5 октябри соли равон 49 фоизи ин маблағ ҷудо гардид.
Дар соҳаи тандурустии шаҳри Ҳисор ба миқдори 89 метри мукааб ҳезум, 198 тонна ангишт ва 1300 литр сӯзишвории дизелӣ захира карда шудааст. Инчунин 34 генератори барқдиҳанда, 200 гармкунаки барқӣ ва 165 бухорӣ дар ҳолати корӣ қарор доранд. Дар шаҳри Ҳисор 107 муассисаи соҳаи тандурустӣ ба хати озоди барқ пайваст мебошанд.
Бо мақсади таъмини эҳтиёҷоти аҳолии шаҳр дар давраи тирамоҳу зимистон бо назардошти захираи онҳо дар сардхонаю анборҳои ҷамъиятҳои дорои масъулияти маҳдуди «Аҷр», «Хизмат-1», «Самоҳ», «Суҳробшоҳ» ва хоҷагиҳои кишоварзии ҳудуди шаҳр ба ҳолати 5 октябри соли равон 655 тонна орд, 6062 тонна гандум, 225 тонна биринҷ, 90,8 тонна равған, 20 тонна макарон ва 150 тонна сабзӣ захира карда шудааст.
АКС: АМИТ «Ховар»
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
Туҳфаи Президенти Тоҷикистон ба собиқадори Ҷанги дуюми ҷаҳонӣ дар шаҳри Бохтар расонида шуд
