35-СОЛАГИИ ИСТИҚЛОЛИ ДАВЛАТӢ. Дар Мастчоҳ кӯдакистон, Қасри ҷавонон ва бинои нави беморхона ба истифода дода мешавад
ДУШАНБЕ, 25.11.2024 /АМИТ «Ховар»/. Дар Ассотсиатсияи хоҷагиҳои деҳқонии ба номи Фирдавсии деҳоти Оббурдони ноҳияи Мастчоҳ сохтмони кӯдакистон барои 300 нафар ба тариқи ҳашар идома дорад, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии ноҳияи Мастчоҳ.
Кӯдакистон дар доираи корҳои ободониву созандагӣ ба истиқболи ҷашни 35-солагии Истиқлоли давлатии Ҷумҳурии Тоҷикистон ва ободшавии Дашти Дилварзин ба нақша гирифта шуда, бо дастгирии соҳибкорон, ашхоси саховатманд ва аҳолии маҳал сохта мешавад.
Тибқи лоиҳа, бинои кӯдакистон аз ду ошёна иборат буда, барои 300 нафар тарбиягиранда ба нақша гирифта шудааст.
Ҳамарӯза беш аз 100 сокини маҳал дар сохтмони кӯдакистон иштирок менамояд.
Дар доираи корҳои ободониву созандагӣ дар ноҳия сохтмони бинои нави Беморхонаи марказӣ идома дорад. Иншоот дар ҳудуди Беморхонаи марказӣ сохта шуда, аз 4 ошёна ва таҳхона иборат мебошад.
Дар беморхона ҳамчунин барои қабули беморон 8 шуъба ва 250 кат пешбинӣ шудааст. Маблағгузори иншоот Идораи сохтмони асосии вилояти Суғд буда, пудратчии он Ҷамъияти дорои масъулияти маҳдуди «Сохтмон–З» мебошад. Маблағи умумии иншооти сохташаванда қариб 30 миллион сомониро ташкил медиҳад.
Бинои нави беморхона моҳи сентябри соли 2025 ба истифода дода шавад.
Инчунин дар деҳоти Палдорак Қасри ҷавонон ба истифода дода мешавад. Сохтмони он ба итмом расида, корҳои рангуборкунӣ дар арафаи анҷомёбиянд.
Корҳои лоиҳакашии Қасри ҷавонони деҳоти Палдорак ҳанӯз соли 2013 оғоз гардида, сохтмони он асосан соли 2016 шуруъ шудааст. Иншот бо маблағгузории Вазорати фарҳанги Ҷумҳурии Тоҷикистон сохта шуда, пудратчии он Муассисаи давлатии «Иттиҳодияи илмию истеҳсолӣ оид ба муҳофизат ва таъмиру истифодаи ёдгориҳои таърихию фарҳангӣ»-и Вазорати фарҳанги ҷумҳурӣ мебошад.
Масоҳаи умумии бино 610 метри мураббаъ буда, аз ду ошёна иборат мебошад. Бино дорои ҳуҷраҳои барҳавои замонавӣ барои баргузории маҳфилҳои рубобнавозону доиранавозон, шашмақомсароӣ, рассомӣ ва ҳунармандӣ мебошад.
Бинои қаср дар умум аз 19 ҳуҷраи корӣ иборат буда, дар он ҳамзамон барои 200 ҷойи нишаст толори намоиш ва баргузории чорабиниҳо ба нақша гирифта шудааст. Дар ошёнаи 1-уми бино ҳуҷраи сарояндагон, нуқтаи нигоҳдороии либоси ҳунармандон ва ҳуҷраҳои техникӣ ҷойгир карда шудаанд.
Тибқи лоиҳа, бино моҳи марти соли 2025 ба истифода дода мешавад.
АКС: Мақомоти иҷроияи ҳокимияти давлатии ноҳияи Мастчоҳ
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
«ПЕШВОИ МИЛЛАТ — ПЕШВОИ СУЛҲ ВА ТАШАББУСКОРИ ИҚДОМҲОИ ҶАҲОНӢ». Таҳти ин унвон ҳамоиши ҳизбиён баргузор гардид
ҲУВИЯТИ МИЛЛӢ – ТАҲКИМБАХШИ ВАҲДАТИ МИЛЛӢ. Назари коршинос дар ин мавзуъ
Раиси Кумитаи кор бо занон ва оилаи Тоҷикистон дар Форуми занони Созмони ҳамкории Шанхай иштирок намуд
ФАРҲАНГИ СУЛҲИ ТОҶИКОН – НАМУНАИ СУЛҲ ДАР ҶАҲОН. Таҳти ин унвон ҳамоиши сиёсӣ ва маърифатӣ баргузор гардид
Дар Вазорати адлия бахшида ба Рӯзи Ваҳдати миллӣ ҳамоиш баргузор шуд
Дар Маркази тадқиқоти стратегӣ бахшида ба қабули Даҳсолаи байналмилалӣ оид ба таҳкими сулҳ конфронс доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
Дар Кумита оид ба таҳсилоти ибтидоӣ ва миёнаи касбӣ Рӯзи Ваҳдати миллиро ҷашн гирифтанд
Роҳи маҳаллаи Гулистон то кӯчаи Абдулаҳад Қаҳҳорови ноҳияи Шоҳмансури шаҳри Душанбе навсозӣ ва мумфарш карда мешавад
Ба ифтихори Рӯзи Ваҳдати миллӣ дар шаҳри Турсунзода иншооти гуногун ба истифода дода шуд
Дар фурудгоҳҳои Тоҷикистон оид ба муҳоҷирати меҳнатӣ корҳои фаҳмондадиҳӣ гузаронида мешаванд
