Алишер Идизода муовини якуми раиси Ҳизби демократи Тоҷикистон интихоб гардид
ДУШАНБЕ, 18.11.2024 /АМИТ «Ховар»/. 18 ноябри соли 2024 ҷаласаи сеюми Шурои сиёсии Ҳизби демократи Тоҷикистон баргузор шуд. Дар ин хусус ба АМИТ «Ховар» аз Ҳизби демократи Тоҷикистон хабар доданд.
Дар рӯзномаи ҷаласа масъалаҳои фаъолияти ҳизб то имрӯз ва дигар масъалаҳо, аз ҷумла пешниҳоди номзадҳо ба вазифаи муовини якум ва муовини раиси ҳизб, раёсати созмонҳо ва аъзои Шурои сиёсии Ҳизби демократи Тоҷикистон мавриди муҳокимаи ҳамаҷониба қарор гирифтанд.
Бо назардошти масъалаҳои болозикр ва ҳамовозии одилонаи аъзои Шурои сиёсии ҳизб Алишер Идизода муовини якуми раиси Ҳизби демократи Тоҷикистон ва Фатҳиддин Солеҳов раиси созмони Ҳизби демократи Тоҷикистон дар шаҳри Душанбе ва аъзои Шурои сиёсӣ таъйин гардиданд.
Инчунин дар баъзе раёсатҳои Ҳизби демократи Тоҷикистон тағйирот ворид карда шуд. Аз ҷумла Мурассаъ Наврӯзқулов — Раиси созмони Ҳизби демократи Тоҷикистон дар Вилояти Мухтори Кӯҳистони Бадахшон ва Суннатулло Усмонов раиси созмони ҷавонони Ҳизби демократи Тоҷикистон таъйин гардиданд. Дар ин баробар дар якчанд созмонҳои шаҳриву ноҳиявии ҳизб низ роҳбарони нав интихоб карда шуданд.
Дар рафти ҷаласа таъкид гардид, ки кадрҳои навтаъйин бояд ба ормонҳои ҳизб содиқ бошанд ва дар таъмини иҷрои барномаҳои ҳизб нақши муассир гузоранд.
Хотиррасон бояд намуд, ки протоколҳои дар анҷоми ҷаласаи Шурои сиёсии Ҳизби демократи Тоҷикистон ба имзо расида, тибқи тартиб ба Вазорати адлияи Ҷумҳурии Тоҷикистон пешниҳод мегарданд.
АКС: Ҳизби демократи Тоҷикистон
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
НАВРӮЗИ ФАЙЗРЕЗ. Ин ҷашн дар таълифоти Абурайҳони Берунӣ ҷойгоҳ ва мақоми хосса дорад
Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
