Дар Бригадаи ҳамлаовари десантӣ-зарбавӣ савгандёдкунии наваскарон доир гардид
ДУШАНБЕ, 08.11.2024 /АМИТ «Ховар»/. Дар Бригадаи ҳамлаовари десантӣ-зарбавии Қӯшунҳои зудамали Қувваҳои Мусаллаҳи Тоҷикистон расми савгандёдкунии наваскарон бо иштироки масъулини ин навъи қӯшун ва дар фазои идона доир шуд, хабар медиҳад АМИТ «Ховар» бо истинод ба Вазорати мудофиаи Ҷумҳурии Тоҷикистон.
Дар ҳамоиш наваскароне, ки дар даъвати тирамоҳии соли равон аъзои Бригадаи ҳамалаовари десантӣ-зарбавии Қӯшунҳои зудамали Қувваҳои Мусаллаҳ гардидаанд, дар маркази майдони сафороии қисми низомӣ тантанавор саф ороста, бо даъвати афсарон ва дар назди ҳозирин савганди садоқат ба халқу Ватанро ба забон оварданд.
Баъди ёд кардани Савганди ҳарбӣ ҳар наваскар сарбози комилҳуқуқи Ватан мегардад ва аз ӯ, пеш аз ҳама, интизоми баланди ҳарбӣ дар иҷрои вазифаву уҳдадориҳои хизматӣ талаб карда мешавад.
Бригадаи ҳамлаовари десантӣ-зарбавии Қӯшунҳои зудамал яке аз неруҳои эҳтиётии Сарфармондеҳи Олии Қувваҳои Мусаллаҳи Тоҷикистон ба ҳисоб рафта, наваскарон тибқи барномаи тақвиятёфтаи омодагии ҷангӣ таълиму тарбия дода мешаванд.
Дар ҷараёни савгандёдкунии наваскарон аз ҷониби взводи ҳамлаовари десантии ин бригада роҳу усулҳои ҳимоя дар задухӯрдҳои тан ба тан намоиш дода шуданд.
АКС: Вазорати мудофиаи Ҷумҳурии Тоҷикистон
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
ИМРӮЗ — РӮЗИ ГВАРДИЯИ МИЛЛИИ ТОҶИКИСТОН. Гвардияи миллӣ ба сохтори қудратманди ҳарбии таъйиноти махсус табдил ёфтааст
Даъвати тирамоҳии шаҳрвандони солҳои таваллуди 1999-2008 ба хизмати ҳарбӣ аз моҳи октябр оғоз мегардад
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТИИ ҶУМҲУРИИ ТОҶИКИСТОН. Миллати тоҷбарсар ва Сарвари тамаддунофар
ПЕШВОИ МИЛЛАТ — ПУШТИБОНУ ҒАМХОРИ ЯТИМОН. Мулоҳизаҳо дар ин маврид
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
