Дар Донишгоҳи давлатии молия ва иқтисоди Тоҷикистон масоили мубориза бо экстремизм ва терроризм баррасӣ шуд
ДУШАНБЕ, 27.11.2024 /АМИТ «Ховар»/. 26 ноябр дар Донишгоҳи давлатии молия ва иқтисоди Тоҷикистон таҳти унвони «Асосҳои ҳуқуқи муқовимат ба экстремизм ва терроризм дар Тоҷикистон» бо иштироки намояндагони шуъбаҳои Вазорати корҳои дохилӣ ва маорифи ноҳияи Сино ҳамоиш баргузор шуд.
Тавре АМИТ «Ховар» бо истинод ба ин донишгоҳ хабар медиҳад, ҳамоиш ба иҷрои «Стратегияи миллии Ҷумҳурии Тоҷикистон оид ба муқовимат бо экстремизм ва терроризм барои солҳои 2021-2025» нигаронида шуда, мақсади асосии он ошкор ва равшан кардани масъалаҳои муқовимат ба паҳншавӣ ва пешгирии идеологияи ифротгароӣ ва терроризм буд.
Ректори Донишгоҳи давлатии молия ва иқтисод Ҳакимбек Абдуалимзода доир ба тарғибу ташвиқи дастовардҳои Истиқлоли давлатӣ ва саҳми арзандаи Пешвои миллат муҳтарам Эмомалӣ Раҳмон дар расидан ба сулҳу субот, оромии ҷомеа, ваҳдати миллӣ ва пешгирии ҳамроҳшавии ҷавонон ба гурӯҳҳои ифротгаро сухан гуфт. Иброз шуд, ки ифротгароӣ ва терроризм зуҳуроти номатлуби замони муосир ба шумор рафта, мубориза бар зидди он қарзи ҳар инсони комил мебошад. Тавре Президенти Тоҷикистон муҳтарам Эмомалӣ Раҳмон иброз намудаанд, «террорист ватан, забон, нажод ва дин надорад».
Тоҷикистон дар мубориза ва пешгирии терроризму ифротгароӣ дар сафи пеш қарор дошта, бо сиёсати устувор дар таъмини суботу амнияти минтақавӣ ва байналмилалӣ саҳми ҷиддӣ мегузорад.
Сардори шуъбаи Вазорати корҳои дохилӣ-1 дар ноҳияи Сино иброз дошт, ки дар ҷаҳони муосир равандҳо ва зуҳуроте мавҷуданд, ки на танҳо ба як давлат ва ё як минтақа, балки ба тамоми мамлакатҳои ҷаҳон ва дар маҷмуъ, ба кулли мардумони сайёра таҳдид мекунанд. Яке аз чунин зуҳуроти номатлуб, ки хатари минтақавию байналмилалӣ ба бор оварда, дар ҳама минтақаҳои олам тамоюли паҳншавӣ дорад, терроризм ва экстремизм мебошад. Имрӯз ҳар узви ҷомеаро зарур аст, ки бар зидди терроризму ифротгароӣ муборизаи беамон барад, фаъоливу зиракии сиёсиро аз даст надиҳад ва барои ҳифзи амнияти миллӣ саъю талош намояд.
АКС: Донишгоҳи давлатии молия ва иқтисоди Тоҷикистон
16 бинои муассисаи таҳсилоти ибтидоии касбӣ ва 4 муассисаи таҳсилоти миёнаи касбӣ таъмир гардид
Интернети бештар ва рақами қиматбаҳо: фоидаи тарофаҳои пешпардохтӣ дар чист?
Оид ба таъмини рушди устувори соҳаи кишоварзӣ дар шароити тағйирёбии иқлим машғулияти омӯзишӣ доир шуд
Имрӯз дар баъзе ноҳияҳои Тоҷикистон туман мефарояд
РУШДИ ҲУНАРҲОИ МАРДУМӢ. Дар Бадахшон беш аз 300 нафар ҳунарманд фаъолият мекунад
Дар Искандаркӯл ба бунёди меҳмонхона ва иншооти муосири сайёҳӣ санги асос гузошта шуд
Азхуд намудани донишҳои замонавӣ беҳтарин роҳ бар зидди ҷаҳолату хурофот аст. Мулоҳизаҳо дар ҳошияи Паёми Президенти Тоҷикистон
Имрӯз дар ноҳияҳои алоҳидаи кӯҳии Тоҷикистон барф меборад
Донишгоҳи давлатии Кӯлоб ба хазинаи Китобхонаи оммавии вилояти Хатлон 400 нусха китоб тақдим намуд
Намояндагони воситаҳои ахбори омма бояд дар муаррифии дастовардҳои Тоҷикистон нақши муассир дошта бошанд
ҶОЙГОҲИ ТОҶИКИСТОН ДАР САҲНАИ БАЙНАЛМИЛАЛӢ. Мулоҳизаҳо дар ҳошияи Паёми Президенти Тоҷикистон
Имрӯз дар Тоҷикистон бориши барф дар назар аст
