Дар Донишгоҳи миллӣ бахшида ба Рӯзи Президенти Тоҷикистон ҳамоиши илмию фарҳангӣ доир гардид
ДУШАНБЕ, 11.11.2024. /АМИТ «Ховар»/. Дар Донишгоҳи миллии Тоҷикистон бахшида ба Рӯзи Президенти Ҷумҳурии Тоҷикистон (16 ноябр) ва 32-солагии Иҷлосияи XVI Шурои Олии Ҷумҳурии Тоҷикистон ҳамоиши илмию фарҳангӣ баргузор гардид. Дар ин хусус ба АМИТ «Ховар» дар ин донишгоҳ хабар доданд.
Зимнан таъкид шуд, ки дар Ҷумҳурии Тоҷикстон 16 ноябр аз соли 2016 инҷониб Рӯзи Президент эълон гашта, ҳамчун ид ҷашн гирифта мешавад. Ин рӯз ба корнамоиҳои Президенти Ҷумҳурии Тоҷикистон муҳтарам Эмомалӣ Раҳмон бахшида шудааст. 16 ноябри соли 1994 дар Иҷлосияи 16-уми Шурои Олӣ Роҳбари давлат муҳтарам Эмомалӣ Раҳмон Раиси Шурои Олӣ интихоб гардида, минбаъд ҳамчун Президент ба фаъолият шуруъ намуданд.
Таҷлили ин рӯзро метавон ҳамчун давраи баландбардории ҳисси миллӣ, хештаншиносӣ, фараҳу шодкомӣ ва саодату шарафмандии ҳар фарди ватандӯсти тоҷик унвон кард. Имрӯз моро зарур аст, ки дар атрофи Президенти Тоҷикистон ҷамъ оем, ба корномаи беназири Пешвои миллат эҳтиром дошта бошем ва бар зидди ҳар ҷараёну таҳдиди ҷаҳони муосир сина сипар созем.
Ҳамасола дар мамлакат 16 ноябр якбора ду рӯйдоди муҳими тақдирсоз — яке Рӯзи Президенти Ҷумҳурии Тоҷикистон ва дигаре баргузории Иҷлосияи XVI Шурои Олӣ ҷашн гирифта мешавад. Ин ду ҷашн бо ҳам тавъам буда, барои бунёди давлатдории миллӣ ва халқи Тоҷикистон аҳамияти хеле бузург доранд, зеро Тоҷикистони соҳибистиқлол маҳз баъд аз баргузории Иҷлосияи XVI Шурои Олӣ ва Раиси Шуро интихоб гардидани муҳтарам Эмомалӣ Раҳмон ташаккулу инкишоф ёфта, ба дастовардҳои нодир дар ҳама самтҳо ноил гардид.
Иштирокдорон иброз доштанд, ки дар таъмини сулҳ ва барқарор намудани инфрасохтори давлат Иҷлосияи ХVI Шурои Олии Ҷумҳурии Тоҷикистон нақши тақдирсоз бозидааст. Бо ҳисси сарфарозиву ифтихор метавон гуфт, ки пас аз баргузории ин иҷлосияи муҳимми таърихӣ халқи тоҷик бо ҳамдигар муттаҳид шуда, дар сарзамини тоҷикон сулҳу ваҳдат ва тинҷиву амонӣ ҳукмфармо гардид.
Дастовардҳои бузурги Истиқлоли давлатии Ҷумҳурии Тоҷикистон, пешрафту шукуфоӣ, ваҳдату ягонагӣ, созандагию бунёдкорӣ ва обрӯю нуфузи мамлакати соҳибистиқлоламон дар арсаи байналмилалӣ- ин ҳама самараи заҳмату талошҳои шабонарӯзӣ ва хастагинопазири фарзанди фарзонаи миллат- Президенти Ҷумҳурии Тоҷикистон муҳтарам Эмомалӣ Раҳмон мебошанд.
АКС: Донишгоҳи миллии Тоҷикистон
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
Бо иштироки 602 нафар довталаб даври шаҳрии Озмуни ҷумҳуриявии «Илм-фурӯғи маърифат» оғоз гардид
