Дар Донишгоҳи техникии Тоҷикистон озмоишгоҳи ташхиси партовҳои обӣ ба истифода дода шуд

Ноябрь 23, 2024 16:15

ДУШАНБЕ, 23.11.2024 /АМИТ «Ховар»/. Дар Парки технологии Донишгоҳи техникии Тоҷикистон ба номи академик Муҳаммад Осимӣ озмоишгоҳи таҳқиқотии партовҳои обӣ ба истифода дода шуд, хабар доданд ба АМИТ «Ховар» дар ин донишгоҳ.

Озмоишгоҳ барои арзёбии сифати партовҳои обӣ бунёд гардида, бо асбоби навин муҷаҳҳаз шудааст. Он таҳлилҳои ҳамаҷонибаи физикӣ, химиявӣ ва биологиро барои риояи меъёрҳои экологӣ ва дастгирии идоракунии захираҳои обӣ анҷом медиҳад.

Барои пешбурди фаъолияти озмоишгоҳи ташхисӣ дар маҷмуъ зиёда аз 50 номгӯй маводу таҷҳизоти замонавӣ дастрас шудааст.

Дар озмоишгоҳ муайян кардани ифлоскунандаҳо, аз қабили моддаҳои органикӣ, пайвастагиҳои токсикӣ ва микроорганизмҳои патогенӣ барои риояи стандартҳои экологӣ, таҳлили сифати партовҳои обӣ аз манбаъҳои дохилӣ (масалан, беморхонаҳо, мактабҳо ва муассисаҳо), назорат намудани сифати манбаъҳои оби рӯизаминӣ ва зеризаминӣ барои таҳияи чораҳои муҳофизатӣ барои захираҳои обӣ, арзёбии таъсири муҳитии партовҳои обии саноатӣ ва пешниҳоди тавсияҳо барои беҳтар кардани сифати об дар минтақаҳои саноатӣ амалӣ карда мешавад.

Бояд гуфт, ки дар натиҷаи тағйирёбии иқлим, афзоиши босуръати аҳолӣ, гармшавии босуръат ва талаботи зиёд ба об дар соҳаҳои кишоварзӣ, саноат ва рӯзгор мушкилоти камбуди об ва норасоии оби тоза имрӯз ба масъалаи глобалӣ табдил ёфтааст.

Донишгоҳи техникии Тоҷикистон бо мақсади баланд бардоштани сифати таълим ва таҳқиқот дар соҳаи захираҳои обӣ, беҳдошт ва гигиена барои беҳтар гардонидани вазъи экологии ҷаҳон, аз ҷумла Тоҷикистон, мушкилоти сифати об дар манбаъҳои обтаъминкунӣ ва ҳифзи захираҳои об тавассути санҷиши сифати об ва пешниҳоди тадбирҳои нав барои ҳалли мушкилоти экологӣ ва коҳиш додани дараҷаи партовҳо дар соҳаи кишоварзӣ, саноат, нақлиёт ва бисёр соҳаҳои дигар ба таври назаррас тадбир меандешад.

АКС: Донишгоҳи техникии Тоҷикистон ба номи академик Муҳаммад Осимӣ

Ноябрь 23, 2024 16:15

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст