Дар Хатлон бахшида ба қабули Конститутсияи Тоҷикистон ва Рӯзи милитсияи тоҷик паради ҳарбӣ ва ҳамоиши идона доир гардид
ДУШАНБЕ, 05.11.2024 /АМИТ «Ховар»/. Дар маркази маъмурии вилояти Хатлон-шаҳри Бохтар бахшида ба 30-солагии қабули Конститутсияи Ҷумҳурии Тоҷикистон ва Рӯзи милитсияи тоҷик паради ҳарбӣ ва ҳамоиши идона доир гардиданд. Дар паради ҳарбӣ ҷузъу том ва сохторҳои мақомоти корҳои дохилии вилоят ва дигар сохторҳои низомиву қудратии вилояти Хатлон иштирок намуданд. Дар ин хусус ба АМИТ «Ховар» дар Раёсати Вазорати корҳои дохилӣ дар вилояти Хатлон хабар доданд.
Баъди ба майдон ворид намудани Парчами Ҷумҳурии Тоҷикистон ва садо додани Суруди миллӣ ва гузориши фармондеҳи парад гузашти низомӣ бо қадамзании мутантан оғоз гардид.
Милитсияи тоҷик аз нахустин рӯзҳои соҳибистиқлолии мамлакат дар таҳким ва ҳифзи дастовардҳои Истиқлолият, таъмини амният ва осоиштагии шаҳрвандон ҳиссаи арзишманд гузошта, вазифаҳои хизматиашро барои иҷрои дастуру супоришҳои Пешвои миллат, Сарфармондеҳи Олии Қувваҳои мусаллаҳи Тоҷикистон муҳтарам Эмомалӣ Раҳмон сарбаландона иҷро менамояд.
Бо шарофати соҳибистиқлолии Ватан ва дар заминаи сиёсати ватанпарварона ва созандаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар қатори дигар аркони муҳими давлатӣ пояҳои милитсияи тоҷик низ мустаҳкам гардида, ин ниҳод ба яке аз неруҳои пойдор ва неруманди таъмини суботу амнияти ҷамъиятӣ, волоияти қонун ва ҳаёти осоиштаи мардум табдил ёфт.
Ҳамчунин иброз гардид, ки Конститутсияи Ҷумҳурии Тоҷикистон ҳамчун ҳуҷҷати муҳимми сиёсӣ дастоварди беназири даврони истиқлол буда, дар ташаккули асосҳои сохтори давлатӣ, таҳкиму инкишофи қонунгузории миллӣ ва мустаҳкам гардонидани пояҳои устувори истиқлолияти комили сиёсии марҳилаи нави рушди Тоҷикистон ҳамчун давлати соҳибистиқлол нақши бузург дорад. Конститутсия ба таъмини сулҳу субот ва ваҳдати миллӣ мусоидат намуда, омили асосии кафолати пойдории ҳаёти сиёсии ҷомеаи Тоҷикистон гардидааст.
АКС: Раёсати Вазорати корҳои дохилӣ дар вилояти Хатлон
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид
Вобаста ба лоиҳаи Қонуни Ҷумҳурии Тоҷикистон «Дар бораи политсия» ҷаласа баргузор шуд
Вобаста ба вазъияти фавқулода, низоъҳо ва ҳамоҳангии иҷтимоӣ конференсияи илмӣ-амалӣ баргузор шуд
Гурӯҳи кории Вазорати корҳои дохилии Тоҷикистон бо фаъолияти Департаменти адлияи Ирландия шинос шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Дар шаҳри Кӯлоб бо иштироки гурӯҳҳои корӣ ҷаласа баргузор шуд
Прокуратураи генералӣ: «Худ ва наздиконатонро аз ҳамлаҳои хакерӣ эмин нигоҳ доред!»
Дар шаҳри Москва бо афсарону курсантони тоҷик вохӯрӣ доир шуд
Ҷаласаи кумитаи роҳбарикунандаи Барномаи Раёсати СММ оид ба маводи нашъаовар ва ҷинояткорӣ дар Осиёи Марказӣ доир шуд
Нақшаи даъвати тирамоҳии шаҳрвандон ба сафи Қувваҳои мусаллаҳи Тоҷикистон пурра иҷро гардид
Ҷаласаи мушовараи Вазорати корҳои дохилии Тоҷикистон ва Русия баргузор гардид
