Дар иҷлосияи Конфронси тарафҳои Конвенсияи СММ оид ба гуногунии биологӣ ташаббусҳои глобалии Президенти Тоҷикистон баррасӣ шуданд
ДУШАНБЕ, 01.11.2024 /АМИТ «Ховар»/. Масъалаи амалӣ гардонидани ташаббусҳои Президенти Ҷумҳурии Тоҷикистон муҳтарам Эмомалӣ Раҳмон оид ба Рӯзи байналмилалии Морхӯр эълон намудани 24 май ва қабул гардидани қатъномаи Маҷмаи Умумии Созмони Милали Муттаҳид оид ба Соли байналмилалии ҳифзи пиряхҳо эълон намудани соли 2025 дар иҷлосияи пленарии Конфронси 16-уми тарафҳои Конвенсияи Созмони Милали Муттаҳид оид ба гуногунии биологӣ (СОР16), ки дар шаҳри Калии Колумбия доир гардид, баррасӣ шуд. Дар ин хусус АМИТ «Ховар» бо истинод ба Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ медиҳад.
Зимни ифтитоҳи иҷлосияи пленарии Конфронси 16-уми тарафҳои Конвенсияи Созмони Милали Муттаҳид оид ба гуногунии биологӣ (СОР16) Президенти Колумбия Густаво Франсиско Петро Уррего, Дабири кулли Созмони Милали Муттаҳид Антониу Гутерриш ва сарони давлатҳои гуногун иштирок ва сухан намуданд.
Дар қисми дуюми иҷлосия Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода сухан намуда, таваҷҷуҳи ҳозиринро ба дастовардҳои Ҷумҳурии Тоҷикистон барои иҷрои уҳдадориҳо дар назди конвенсияҳои Созмони Милали Муттаҳид вобаста ба гуногунии биологӣ, тағйирёбии иқлим ва мубориза бо биёбоншавӣ ҷалб намуд. Инчунин масъалаи амалӣ гардонидани ташаббусҳои Президенти Ҷумҳурии Тоҷикистон муҳтарам Эмомалӣ Раҳмон оид ба Рӯзи байналмилалии Морхӯр эълон намудани 24 май ва қабул гардидани қатъномаи Маҷмаи Умумии Созмони Милали Муттаҳид оид ба Соли байналмилалии ҳифзи пиряхҳо эълон намудани соли 2025 мавриди таваҷҷуҳи иштирокдорон қарор дода шуд.
Ҷаласаи Конфронси 16-уми тарафҳои Конвенсияи Созмони Милали Муттаҳид оид ба гуногунии биологӣ чорабинии байналмилалии сатҳи баланд мебошад, ки ба он намояндагони ҳукуматҳо, мақомоти давлатии соҳаи ҳифзи муҳити зист, олимон ва созмону ташкилоти байналмилалӣ даъват карда шудаанд.
Ҳадаф аз баргузории конфронс баррасии масъалаҳо оид ба ҳалли мушкилиҳои экологӣ, ҳамкории байналмилалӣ барои ҳифзи муҳоҷирати ҳайвоноти ваҳшӣ ва пешбурди ҳадафҳои ҷаҳонии гуногунии биологӣ дар чаҳорчӯбаи гуногунии биологии Кунмин-Монреал дар сатҳи байналмилалӣ мебошад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Қатъномаи «Даҳсолаи байналмилалии таҳкими сулҳ ба хотири наслҳои оянда» – ташаббуси навбатии Тоҷикистон дар роҳи таҳкими сулҳ ва амнияти ҷаҳонӣ
Қабули пешниҳоди навбатии Тоҷикистон аз ҷониби СММ рӯйдоди муҳимми фараҳбахш мебошад
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
Дар Донишкадаи тарбияи ҷисмонии Тоҷикистон ба муносибати қабули ташаббуси навбатии Тоҷикистон гузашти идона доир шуд
Дар мавзуи «Эмомалӣ Раҳмон — ташаббускор ва таҳкимбахши сулҳ ва суботи сиёсии ҷомеаи ҷаҳонӣ» ҳамоиш доир шуд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Исломиддин Раҳмон: «Тоҷикистон ҳамчун аъзои фаъоли ҷомеаи ҷаҳонӣ барои ҳалли масъалаҳои глобалӣ саҳми арзишманд мегузорад»
Профессори Донишгоҳи байналмилалиии сайёҳӣ ва соҳибкории Тоҷикистон: «Сарвари давлати моро дар арсаи байналмилалӣ чун «Меъмори дипломатияи об» мешиносанд»
