Дар мавзуи рушди зеҳни сунъӣ дар Тоҷикистон машғулияти байналмилалӣ доир гардид
ДУШАНБЕ, 04.11.2024 /АМИТ «Ховар»/. Имрӯз дар шаҳри Душанбе бо ташаббуси Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон семинари байналмилалӣ дар мавзӯи «Қарздиҳӣ бо гарави моликияти зеҳнӣ. Тамоюли рушди зеҳни сунъӣ дар Тоҷикистон» баргузор гардид, хабар медиҳад мухбири АМИТ «Ховар».
Директори Муассисаи давлатии «Маркази миллии патенту иттилоот» Мирзо Исмоилзода мақсади асосии баргузории семинарро арзёбии имкониятҳои мамлакат дар самти истифодаи объектҳои моликияти зеҳнӣ ҳамчун гарав барои гирифтани қарз баён намуда, гуфт, ки ин таҷриба дар дигар кишварҳо фаъолона истифода гашта истодааст.
Ҳамзамон Мирзо Исмоилзода ҳадафи дигари чорабинии мазкурро ҳамоҳангсозии барномаҳои компютерӣ ва зеҳни сунъӣ ҳамчун ихтироъ, ки ин раванд метавонад дар оянда ба рушди самтҳои нав, ба мисли барномасозӣ ва инноватсия бо зеҳни сунъӣ мусоидат намояд, унвон намуд.
Дар доираи семинар, бахшида ба 30-солагии Конститутсияи Ҷумҳурии Тоҷикистон намоишгоҳи китобҳову нашрияҳои ҳуқуқӣ ва таълимӣ ташкил карда шуд.
Дар ин семинари байналмилалӣ дар мавзӯъҳои «Қарздиҳӣ бо гарави объектҳои моликияти зеҳнӣ» ва «Тамоюли рушди зеҳни сунъӣ дар Ҷумҳурии Тоҷикистон» маърузаҳо пешниҳод шуданд.
АКС: Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон
Кишти зериплёнкавии пунбадона аз усулҳои муосири агротехникӣ ба ҳисоб меравад
Корхонаи навбунёди «Шири Ҷайҳун» 10 намуд маҳсулот истеҳсол менамояд
ИСТИФОДАИ САМАРАНОКИ ЗАМИН. Сокини ноҳияи Ҷайҳун дар замини наздиҳавлигияш киштро барои ҳосили дуюм оғоз намуд
Ҳайати Тоҷикистон дар ҷаласаи Гурӯҳи кории минтақавӣ оид ба моликияти зеҳнӣ иштирок намуд
Дар Душанбе масъалаи ҷалби сармоягузорӣ ба иқтисоди Тоҷикистон баррасӣ гардид
Дар Душанбе раванди татбиқи барномаи нави «Аз пиряхҳо то хоҷагидорон» баррасӣ гардид
Созишномаи иловагӣ оид ба сохтмон ва истифодаи корхонаи истеҳсоли техникаи маишии «Artel Avesto Electronics» ба имзо расид
Дар шаҳри Бӯстон мушкилии таъминот бо об бартараф гардид
Дар ноҳияи Зафаробод 12 пойгоҳи обкашӣ фаъолият дорад
Оид ба масъалаҳои идоракунии молияи давлатӣ ҷаласа доир гардид
Дар Душанбе таҳти раёсати ҷониби Тоҷикистон ҷаласаи 48-уми Шурои авиатсия ва истифодаи фазои ҳавоии ИДМ баргузор гардид
Хизматрасониҳои нави электронии андоз ҷорӣ карда шуданд
