Дар шаҳри Турсунзода барои бо оби полезӣ таъмин намудани хоҷагиҳо тозакунии каналу заҳбурҳо оғоз гардид
ТУРСУНЗОДА, 26.11.2024 /АМИТ «Ховар»/. Дар шаҳри Турсунзода 22 канали худҷорӣ мавҷуд аст, ки ба воситаи онҳо 13 ҳазору 459 гектар заминҳо пурра обёрӣ мешаванд.
Сардори Идораи давлатии беҳдошти замин ва обёрии шаҳри Турсунзода Сорбон Рӯзиев ба хабарнигори минтақавии АМИТ «Ховар» Субҳониддини Маҳмуд иттилоъ дод, ки дар асоси нақшаи тозакунии каналҳо, омода намудани онҳо барои зимистон ва таъмини оби полезӣ дар соли 2025 дар канали Даюб корҳои тозакунӣ оғоз шуданд. То имрӯз зиёда аз 5,5 километри канали Даюб тоза карда шудааст. Канали Даюб 12,5 километр дарозӣ дошта, ба он аз дарёи Ширкент об ҷорӣ мешавад. Тавассути он 850 гектар заминҳои ҳудуди ҷамоатҳои Пахтаобод, Навобод ва 10-солагии Истиқлолият обёрӣ мешаванд. 8 техникаи корӣ ба тозанамоии каналу заҳбур ва заҳкашҳо ҷалб шуда, мутахассисон кӯшиш доранд дар муҳлати муайяншуда корҳоро иҷро намоянд.
Дар 5 мавзеи шаҳри Турсунзода 8 пойгоҳи обкашӣ мавҷуд аст, ки дар айни замон онҳо ба таъмир фаро гирифта шудаанд.
Идораи давлатии беҳдошти замин ва обёрии шаҳри Турсунзода бо 1948 нафар шартнома бастааст. Аз он 1898 адад хоҷагии деҳқонии инфиродӣ, 30 адад хоҷагии ёрирасон, 8 адад хоҷагии ҷамоавӣ ва 8 шартнома бо ҷамоати шаҳраку деҳот мебошад.
Ҳарчанд Идораи давлатии беҳдошти замин ва обёрии шаҳри Турсунзода соли 2024 ба мушкилоти зиёд ва офатҳои табиӣ дучор гардид, вале дар якҷоягӣ бо роҳбарони хоҷагиҳои деҳқонӣ, Мақомоти иҷроияи ҳокимияти давлатии шаҳри Турсунзода ва дигар сохторҳои дахлдор ин мушкилиҳоро сари вақт бартараф карда, 13 459 гектар замини киштро обёрӣ намуд. Бо ин дар рушди соҳаи кишоварзии шаҳр саҳми арзанда гузошт.
Мутаассифона, мушкилии асосии кори Идораи давлатии беҳдошти замин ва обёрии шаҳри Турсунзода- ин сари вақт напардохтани ҳаққи хизматрасонӣ барои об мебошад. Тибқи маълумоти роҳбарияти ин идора, то имрӯз муштариён аз ҳаққи истифодаи оби полезӣ як миллиону 800 ҳазор сомонӣ қарздор ҳастанд.
АКС: Идораи давлатии беҳдошти замин ва обёрии шаҳри Турсунзода
Сарвари давлат Эмомалӣ Раҳмон Меҳмонхонаи Редиссон Коллекшн Душанберо (Radisson Collection Dushanbe) ифтитоҳ намуданд
Пешвои миллат Эмомалӣ Раҳмон дар шаҳри Душанбе корхонаи дару тирезаҳои алюминӣ ва пластикии ҶДММ «Тамдид»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон бо 6 лоиҳаи нави истеҳсолӣ, логистикӣ ва иҷтимоӣ дар шаҳри Душанбе шинос шуданд
Сарвари давлат Эмомалӣ Раҳмон дар шаҳри Душанбе корхонаи «Разес Фарма»-ро ифтитоҳ намуданд
Пешвои миллат Эмомалӣ Раҳмон бинои нави Маркази аутизми шаҳри Душанберо мавриди истифода қарор доданд
Маҷлиси Ҳукумати Ҷумҳурии Тоҷикистон баргузор гардид
Дар шаҳри Ваҳдат бунгоҳҳои тиббӣ ба истифода дода шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Дар Панҷакент беш аз 400 километр роҳҳои маҳаллӣ таъмир ва мумфарш карда шуданд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
