ФУТЗАЛ. Барои мураббиён машғулиятҳои омӯзишии «Level-2» оғоз гардид

ДУШАНБЕ, 23.11.2024 /АМИТ «Ховар»/. 22 ноябр дар шаҳри Душанбе барои мураббиёни футзал ҷиҳати дарёфти   иҷозатномаи  «Level-2»-и Конфедератсияи футболи Осиё машғулиятҳои омӯзишӣ оғоз шуд, хабар медиҳад АМИТ «Ховар» бо истинод ба Федератсияи футболи Тоҷикистон.

14 нафар довталаб Алишер Улмасов, Дилшод Саломов, Орзу Додхудоев, Шамшод Ниятбеков, Акбарҷон Ортуков, Меҳрубон Тиллозода, Муродулло Алиқулов, Баҳром Ёрматов, Рустам Мардинаев, Акмал Ҷумъаев, Раҳмоналӣ Шарифов, Валиҷон Валиев, Бобомурод Мирзоев ва Фарзод Мирзоев барои дарёфти иҷозатномаи «Level-2» ба омӯзиш фаро гирифта шуданд.

Барномаи машғулиятҳои омӯзишӣ дарсҳои назариявӣ ва амалиро дар бар мегирад. Донишҷӯёне, ки машғулияти омӯзиширо бомуваффақият хатм мекунанд, соҳиби иҷозатномаи мураббии футзали «Level-2»-и КФО мешаванд.

Дастурдиҳандаи асосии машғулиятҳо инструктори Конфедератсияи футболи Осиё, собиқ сармураббии тими миллии Эрон Ҳусейн Шамс буда, ба ӯ дастурдиҳандаи Федератсияи футболи Тоҷикистон Ҳусейн Шодиев кумак мекунад.

АКС: Федератсияи футболи Тоҷикистон