«Хирадмандон» дар озмуни ноҳиявии «Беҳтарин Кумитаи иҷроияи ибтидоӣ» сазовори ҷои якум гардид
ДУШАНБЕ, 16.11.2024 /АМИТ «Ховар»/. 15 ноябр дар арафаи таҷлили Рӯзи Президенти Ҷумҳурии Тоҷикистон бо ташаббуси Кумитаи иҷроияи Ҳизби Халқии Демократии Тоҷикистон дар шаҳри Душанбе ҳамоиши тантанавии ҳизбӣ бахшида ба Рӯзи Президенти Ҷумҳурии Тоҷикистон таҳти унвони «Эмомалӣ Раҳмон – меъмори давлатдории навини тоҷикон» баргузор шуд.
Тавре ба АМИТ «Ховар» дар Академияи миллии илмҳои Тоҷикистон хабар доданд, дар ҳамоиш роҳбарони кумита ва марказҳои ҳизбӣ ва аъзои Ҳизби Халқии Демократии Тоҷикистон иштирок намуданд.
Дар ҳамоиш инчунин озмуни ноҳиявии «Беҳтарин Кумитаи иҷроияи ибтидоӣ», ки бо ташаббуси Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур бахшида ба 30- солагии Рӯзи таъсисёбии Ҳизби Халқии Демократии Тоҷикистон байни кумита ва ташкилотҳои ҳизбӣ дар вазорату идораҳои давлатӣ эълон гардида буд, ҷамъбаст гардид.
Кумитаи иҷроияи ибтидоии «Хирадмандон»- и Ҳизби Халқии Демократии Тоҷикистон дар Академияи миллии илмҳои Тоҷикистон барои таблиғу ташвиқи ғояҳои созандаи Ҳизби Халқии Демократии Тоҷикистон, баланд бардоштани мақоми ҳизб дар ҷомеа ва иштироки фаъолона дар чорабиниҳои ҳизбӣ сазовори ҷойи якум гардид.
АКС: Академияи миллии илмҳои Тоҷикистон
Имрӯз дар ноҳияҳои кӯҳии Тоҷикистон ҳаво то 16 дараҷа гарм мешавад
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
