Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
ЁВОН, 25.11.2024. /АМИТ «Ховар»/. Барои дар амал татбиқ намудани Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёт барои фаъолияти мунтазам ва самарабахш дар давраи тирамоҳу зимистони солҳои 2024-2025» нақшаи пешниҳодгардидаи зимистонгузаронӣ аз ҷониби масъулини Мактаб–интернати ҷумҳуриявии кӯдакони ятими ноҳияи Ёвон ва Хона-интернати пиронсолон ва маъюбони ноҳия пурра иҷро гардид. Ҳоло ҳуҷраҳои бошандагону синфхонаҳо ва хобгоҳи ятимон пурра бо гармӣ таъмин мебошанд. Дар ин хусус хабарнигори минтақавии АМИТ «Ховар» Субҳониддини Маҳмуд иттилоъ медиҳад.
Директори Мактаб–интернати ҷумҳуриявии кӯдакони ятими ноҳияи Ёвон Нуқра Ҳасензода иброз намуд, ки “муассисаи мо бо дастгирии Мақомоти иҷроияи ҳокимияти давлатии ноҳияи Ёвон ба хати озоди барқи доимӣ пайваст мебошад. Тавассути болерҳои барқӣ хобгоҳҳои ятимон ва синфхонаҳои онҳо бо гармӣ пурра таъмин мебошанд. Дар айни замон дар муассиса 2 тонна ангишт, 8 метри мукааб ҳезум ва як генератори барқии баландшиддат захира карда шудааст. Ҳамчунин маҳсулоти хӯрокворӣ, аз қабили орд, равған, шакар, биринҷ, картошка, пиёз, сабзӣ ва дигар намуди маҳсулот захира гардидааст.
Дар анборҳои Хона-интернати пиронсолон ва маъюбони ноҳияи Ёвон барои се вақт бо хӯроки гарм таъмин намудани бошандагони ин муассиса 4000 кг картошка, 1000 кг пиёз, 6 тонна орд, 400 литр равған, 300 кг биринҷ, 600 кг шакар, 3,5 тонна дигар намуди маводи хӯрокворӣ ва садҳо зарфи шишагин шарбати меваю шакароб ва бодирингу помидори шӯр захира карда шудааст.
Ҳамчунин барои таъмини утоқҳои бошандагон бо гармӣ 5 тонна ангишт, 80 метри мукааб ҳезум, 1000 литр сӯзишвории дизелӣ захира мебошад. Дар муассиса 90 печкаи барқӣ ва 4 печкаи аловӣ мавҷуд аст, ки имрӯзҳо аз ҳисоби ба хати озоди барқ пайваст будани муассиса ҳуҷраҳои бошандагон бо гармӣ таъмин мебошанд. Ҳамчунин 400 метри мураббаъ шишабандӣ карда шудааст.
Хушбахтона, роҳбарони Мақомоти иҷроияи ҳокимияти давлатии ноҳияи Ёвон мунтазам аз ҳоли ятимону бошандагони ин муассисаҳо бохабар шуда, мушкилоти пешомадаро сари вақт бартараф мекунанд.
АКС: АМИТ «Ховар»
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон ҳаво то 40 дараҷа гарм мешавад
