Ғолибони озмунҳои шаҳрии «Беҳтарин донандаи Конститутсия» ва «Омилҳои коррупсиониро маҳкум месозем» қадрдонӣ шуданд
ДУШАНБЕ, 21.11.2024. /АМИТ «Ховар»/. 20 ноябр дар шаҳри Душанбе маросими ҷоизасупорӣ ба ғолибони озмунҳои шаҳрии «Беҳтарин донандаи Конститутсия» ва «Омилҳои коррупсиониро маҳкум месозем» баргузор гардид. Дар ин хусус ба АМИТ «Ховар» дар шуъбаи рушди иҷтимоӣ ва робита бо ҷомеаи дастгоҳи Раиси шаҳри Душанбе хабар доданд.
Ин озмунҳо дар асоси қарори Раиси шаҳри Душанбе бахшида ба Соли маърифати ҳуқуқӣ аввалин бор дар шаҳри Душанбе баргузор гардиданд. Дар озмунҳо беш аз 3000 хонандагони фаъоли муассисаҳои таълимии шаҳри Душанбе иштирок намуда, 95 нафар ба даври шаҳрӣ роҳхат гирифтанд. 18 нафари онҳо ғолиби даври ниҳоии озмун дониста шуданд.
Озмуни «Беҳтарин донандаи Конститутсия» таҳти сарпарастии Раиси шаҳри Душанбе муҳтарам Рустами Эмомалӣ бо мақсади баланд бардоштани донишҳои ҳуқуқӣ, шиносоӣ бо санадҳои меъёрӣ-ҳуқуқии байналмилалӣ ва миллӣ, таъмини реҷаи қонуният, назм ва тартиботи ҷамъиятӣ ва волоияти қонун доир шуд.
Озмуни шаҳрии «Омилҳои коррупсиониро маҳкум месозем» байни хонандагони муассисаҳои таълимии шаҳри Душанбе аз рӯи се номинатсия – «Расми беҳтарин», «Иншои беҳтарин» ва «Мақолаи беҳтарин» гузаронида шуд.
Баргузории чунин озмунҳо дар баланд бардоштани маърифати ҳуқуқии аҳолӣ саҳми арзишманд гузошта, барои таҳкими қонуният, тартиботи ҳуқуқӣ дар ҷомеа ва эъмори давлати ҳуқуқбунёд ва ҷомеаи демократӣ нақши мондагор мегузорад.
Дар озмун хонандагони муассисаҳои таҳсилоти миёнаи умумӣ (синфҳои 8-11), муассисаҳои таҳсилоти ибтидоии касбӣ (литсейҳои касбӣ) ва донишҷӯёни муассисаҳои таҳсилоти миёнаи касбӣ (коллеҷҳо) ва муассисаҳои таҳсилоти олии касбӣ иштирок намуданд.
Донишҳои ҳуқуқии иштирокдорони озмун аз рӯйи хондан ва донистани Конститутсияи Ҷумҳурии Тоҷикистон бо роҳи гирифтани имтиҳонҳои тестӣ ва саволу ҷавоб муайян гардид.
Ба ғолибон ва иштирокчиёни озмунҳо аз номи Мақомоти иҷроияи ҳокимияти давлатии шаҳри Душанбе Диплом ва туҳфаҳои хотирмон тақдим шуданд.
АКС: Шуъбаи иттилоотии дастгоҳи Раиси шаҳри Душанбе
Бахшида ба Рӯзи Конститутсия дар мавзуи «Асосҳои конститутсионии муқовимат ба коррупсия» ҳамоиш доир шуд
Дар Душанбе оид ба таҳияи нақшаи чорабиниҳои 40-солагии истиқлолияти давлатӣ ҷаласаи гурӯҳи корӣ доир шуд
31 ОКТЯБР — РӮЗИ ҶАҲОНИИ ШАҲРҲО. Дар хиёбони Саъдии Шерозии Душанбе 3 эстакадаи дусатҳа бунёд мегардад
Шаҳри Душанбе бо ба даст овардани 65 ҷой ғолиби Озмуни ҷумҳуриявии «Илм – фурӯғи маърифат» гардид
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
