Се паҳлавони Тоҷикистон дар байни 10 гӯштингири беҳтарини ҷаҳон қарор гирифтанд
ДУШАНБЕ, 08.11.2024 /АМИТ «Ховар»/. Се варзишгари Тоҷикистон аз рӯйи раддабандии нави Иттиҳодияи ҷаҳонии гӯштин байни 10 гӯштингири беҳтарини вазни худ қарор гирифтанд. Ин маротибаи нахуст аст, ки 3 намояндаи Ҷумҳурии Тоҷикистон ҳамзамон дар байни беҳтарин гӯштингирони вазни худ дар ҷаҳон мавқеъ мегиранд. Дар ин хусус шореҳи варзиши АМИТ «Ховар» хабар медиҳад.
Паҳлавонони Тоҷикистон Абдулмаҷид Кудиев бо 31 ҳазор имтиёз дар ҷойгоҳи 4-уми вазни 70 кг, Виктор Рассадин бо 36 ҳазор имтиёз дар ҷойгоҳи 5-уми вазни 74 кг ва Магомет Евлоев бо 17 ҳазор имтиёз дар ҷойгоҳи 9-уми вазни 79 кг аз намуди гӯштини тарзи озод қарор доранд.
Ёдовар мешавем, ки Абдулмаҷид Кудиев 31 октябр дар шаҳри Тиранаи Албания дар Чемпионати ҷаҳон оид ба гӯштини тарзи озод дар вазнҳои ғайриолимпӣ бо мағлуб кардани рақибон ба гирифтани медали биринҷӣ ноил гардид. 17 сол қабл ин дастовард марбут ба номи Юсуф Абдусаломов буд, ки соли 2007 дар чемпионати ҷаҳон дар Боку ба гирифтани медали нуқра шарафёб гардида буд.
Паҳлавони дигари Тоҷикистон Виктор Рассадин тобистони имсол дар Бозиҳои олимпии Париж -2024 дар мубориза барои медали биринҷӣ аз Черман Валиеви албанӣ бо ҳисоби 2:6 мағлуб шуда, бе медали олимпӣ монд. Виктор Рассадин пас аз 12 сол ягона намояндаи Ҷумҳурии Тоҷикистон мебошад, ки дар Бозиҳои тобистонаи олимпӣ аз намуди гӯштини тарзи озод рақобат намуд.
АКС аз манбаъҳои боз
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Дастаи мунтахаби наврасони Тоҷикистон (U-16) дар Тошканд ғолиби чемпионати CAFA-2026 гардид
Саидмуъмини Шарифзод Шоҳҷоизаи Мусобиқаи гӯштини миллӣ дар ноҳияи Рӯдакиро соҳиб гардид
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
Ғолибони шоҳҷоизаҳои мусобиқаи гӯштини миллии ноҳияи Панҷ муайян гардиданд
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
