Тоҷикистон бо ЮНЕСКО масъалаҳои омодагӣ ба Конфронси байналмилалӣ оид ба ҳифзи пиряхҳоро баррасӣ намуд
ДУШАНБЕ, 27.11.2024 /АМИТ «Ховар»/. 26 ноябр мулоқоти маҷозии Вазири корҳои хориҷии Ҷумҳурии Тоҷикистон, раиси Комиссияи миллии Ҷумҳурии Тоҷикистон оид ба корҳои ЮНЕСКО Сироҷиддин Муҳриддин бо муовини дабири кулли ЮНЕСКО оид ба илмҳои табиатшиносӣ Лидия Брито баргузор гардид. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Зимни мулоқот ҷонибҳо масъалаҳои омодагӣ ба Конфронси байналмилалӣ оид ба ҳифзи пиряхҳоро дар Тоҷикистон дар соли 2025 баррасӣ карданд.
Ҷонибҳо хатари обшавии пиряхҳо дар Осиёи Марказӣ, бахусус дар партави таъсири тағйирёбии иқлим ба захираҳои обии минтақаро таъкид намуданд. Ҳамзамон ҷанбаҳои ҳамкории эҳтимолии муштарак барои мониторинги обшавии пиряхҳо, арзёбии мушкилоти экологӣ ва таҳияи стратегияҳои мутобиқшавӣ барои ҷомеаҳои маҳаллӣ, ки аз системаҳои кӯлҳои пиряхӣ вобаста аст, мавриди баррасӣ қарор гирифт.
Дар мулоқот ҳамоҳангсозии таҳқиқоти илмӣ, табодули таҷриба ва таъсиси чаҳорчӯбаи ҳамаҷонибаи конфронси дарпешистода, ки коршиносони байналмилалӣ, ҷонибҳои манфиатдори маҳаллӣ ва сиёсатмадоронро барои ҳалли масъалаҳои мубрами марбут ба экосистемаҳои пиряхҳо дар Тоҷикистон муттаҳид мекунанд, матраҳ гардид.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон бо Вазири адлия ва корҳои ҳуқуқии Салтанати Умон мулоқот намуд
Дар Риёз 35-солагии Истиқлоли давлатии Ҷумҳурии Тоҷикистонро таҷлил намуданд
Нигина Ализода дар Форуми илмии «Шуоъҳои умед: татбиқи ваъдаи кумаки саратоншиносӣ» дар Вена иштирок намуд
Сафири Тоҷикистон бо муовини Вазири корҳои хориҷии Арабистони Саудӣ мулоқот намуд
Пешвои миллат нақши Кореяро дар татбиқи барномаҳои иҷтимоӣ дар Тоҷикистон муҳим арзёбӣ намуданд
Дар Кувайт ба муносибати 35-солагии Истиқлоли давлатии Тоҷикистон чорабинии расмӣ баргузор гардид
Сафири Тоҷикистон дар ҷаласаи Шурои иқтисодии ИДМ дар Ашқобод иштирок намуд
Дар шаҳри Уфа 35-солагии Истиқлоли давлатии Ҷумҳурии Тоҷикистонро таҷлил намуданд
Қатъномаи Маҷмаи Умумии СММ оид ба Рӯзи байналмилалии зеҳни сунъии бехатар, ҳифзшуда ва боэътимод дар САҲА муррафӣ гардид
Дар шаҳри Санкт-Петербург 35-солагии Истиқлоли давлатии Ҷумҳурии Тоҷикистонро таҷлил намуданд
Рӯзи Истиқлолияти давлатии Тоҷикистон дар Минск таҷлил карда шуд
Сафири Тоҷикистон бо Вазири ҷавонон ва варзиши Миср мулоқот намуд
