Ҷаласаи Фраксияи Ҳизби Халқии Демократии Тоҷикистон дар Маҷлиси намояндагон баргузор шуд
ДУШАНБЕ, 13.12.2024 /АМИТ «Ховар»/. Имрӯз ҷаласаи Фраксияи Ҳизби Халқи Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон баргузор гардид, ки дар рӯзномаи ҷаласа гузориши Раиси Фраксияи Ҳизби Халқи Демократии Тоҷикистон дар Маҷлиси намояндагон Фозил Обидзода дар давраи солҳои 2020-2024 мавриди баррасӣ қарор гирифт. Дар ин хусус ба АМИТ «Ховар» дар Маҷлиси намояндагон хабар доданд.
Тавре дар ҷаласа таъкид шуд, дар 30 соли фаъолияти Ҳизби Халқи Демократии Тоҷикистон як зумра барномаҳои муҳим, ки ба баланд гардидани сатҳи некуаҳволии мардум нигаронида шудаанд, амалӣ гардиданд. Дар ҷаласа иброз гардид, ки ҳоло дар Фраксияи Ҳизби Халқии Демократии Тоҷикистон 39 вакил муттаҳид шудаанд, ки аз онҳо 14 нафарро занҳо ташкил медиҳанд. Аз 39 вакил – аъзои Фраксияи Ҳизби Халқии Демократии Тоҷикистон 11 нафар доктори илмҳо ва 7 нафар номзади илмҳо мебошанд. Тибқи Дастури Маҷлиси намояндагони Маҷлиси Олии Ҷумҳурии Тоҷикистон, Фраксияи Ҳизби Халқии Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон барои изҳори мавқеи ягонаю ақидаҳои сиёсӣ ва амалигардонии барномаҳо ва ҳадафҳои пешазинтихоботии Ҳизби Халқии Демократии Тоҷикистон фаъолияти дастҷамъонаро пеш мебарад.
Иттилоъ дода шуд, ки дар давраи ҳисоботии ҷамъбастӣ аъзои Фраксияи Ҳизби Халқии Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон дар ҷаласаҳои якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон, 152 ҷаласаи Шуро ва 118 иҷлосияи Маҷлиси намояндагони Маҷлиси Олии Ҷумҳурии Тоҷикистон иштирок намуда, дар доираи он дар баррасии беш аз 1000 санади меъёрии ҳуқуқӣ иштирок намуданд.
Дар маҷмуъ, то имрӯз аз шумораи умумии қонунҳои қабулшуда бо истифода аз ҳуқуқи ташаббуси қонунгузорӣ аз ҷониби аъзои Фраксияи Ҳизби Халқии Демократии Тоҷикистон дар Маҷлиси намояндагони Маҷлиси Олии Ҷумҳурии Тоҷикистон беш аз 130 қонун пешниҳод гардида, тасдиқ шудаанд. Ҳоло 51 лоиҳа дар баррасии кумитаҳои Маҷлиси намояндагон қарор доранд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Робитаҳои байнипарламентии Тоҷикистону Туркия густариш меёбанд
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум ду созишнома қабул шуд
Нахустин Форуми байнипарлумонии Осиёи Марказӣ ва Иттиҳоди Аврупо баргузор гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Ҳамкории байнипарламентии Тоҷикистону Узбекистон тақвият меёбад
Вакилони тоҷик дар гуфтугӯи байнипарлумонӣ доир ба тақвияти қонунгузорӣ барои таъмини рушди баробарии гендерӣ иштирок намуданд
Наврӯз дар рӯи замин сулҳ ва дӯстӣ меофарад
Дар иҷлосияи дуюми Маҷлиси намояндагони Маҷлиси Олӣ, даъвати ҳафтум созишнома ба тасвиб расид
ТАМАДДУНИ ХАЛҚИ ТОҶИК БА НАВРӮЗ ПАЙВАНДИ НОГУСАСТАНӢ ДОРАД. Мулоҳизаҳои муовини Раиси Маҷлиси намояндагон Мавсума Муинӣ дар ин мавзуъ
Ҷаласаи навбатии Комиссияи ҳамкории байнипарлумонии Тоҷикистон ва Русия доир шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
