Ҳамкории илмӣ-таҳқиқотии Академияи миллии илмҳои Тоҷикистон бо намояндагони барномаи SATREPS ва лоиҳаи JDS вобаста ба тағйирёбии иқлим баррасӣ гардид
ДУШАНБЕ, 03.12.2024 /АМИТ «Ховар»/. 2 декабр дар Ҷопон вохӯрии президенти Академияи миллии илмҳои Тоҷикистон Қобилҷон Хушвахтзода бо намояндагони барномаи SATREPS ва лоиҳаи JDS баргузор шуд, ки зимни он ҳамкории илмӣ- таҳқиқотӣ баррасӣ гардид. Дар ин хусус АМИТ «Ховар» бо истинод ба Академияи миллии илмҳо хабар медиҳад.
Дар мулоқот ба масъалаҳои глобалӣ, ба монанди тағйирёбии иқлим, мушкилоти ғизо, офатҳои табиӣ ва ғайра таваҷҷуҳ зоҳир карда шуд.
Ҷонибҳо ба мувофиқа расиданд, ки дар оянда ҳамкориро дар самтҳои таҳқиқоти захираҳои об ва тағйирёбии иқлим, омӯзиши таъсири обшавии пиряхҳо ба захираҳои об, таҳқиқоти муштараки олимони тоҷику ҷопонӣ барои ҳифзи системаҳои оби минтақа, мониторинги фаъолияти тектоникӣ дар кӯҳҳои Помир, ҷорӣ намудани манбаъҳои барқароршавандаи энергия ва ғайра тақвият бахшанд.
Бояд гуфт, ки барномаи SATREPS ва лоиҳаи JDS дар заминаи Агентии илм ва технологияи Ҷопон (JST) фаъолият менамоянд. Барномаи SATREPS таҳқиқоти муштараки байналмилалиро бо ҳадафи ҳалли масъалаҳои глобалӣ ҳамчун ҷанбаи «дипломатияи илм ва технология» пеш мебарад.
Лоиҳаи стипендияи рушди захираҳои инсонӣ (JDS) ба дастгирии рушди захираҳои инсонӣ дар мамлакатҳои гирандаи кумаки грантии Ҷопон нигаронида шудааст. Ҳамчунин лоиҳа машғулияти магистрӣ ва докториро дар донишгоҳҳои Ҷопон ба забони англисӣ пешниҳод менамояд.
АКС: Академияи миллии илмҳои Тоҷикистон
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
