Анҷумани навбатии XIII Ҳизби сотсиалистии Тоҷикистон баргузор гардид
ДУШАНБЕ, 21.12.2024 /АМИТ «Ховар»/. 21 декабр дар шаҳри Душанбе Анҷумани навбатии XIII Ҳизби сотсиалистии Тоҷикистон баргузор гардид, хабар медиҳад АМИТ «Ховар».
Дар кори анҷуман вакилон аз кумитаҳои иҷроияи вилоятӣ, шаҳрӣ ва ноҳиявии ҳизб иштирок намуданд.
Дар анҷумани ҳизб, аз ҷумла масъалаҳои вобаста ба ҳисоботи раиси Кумитаи иҷроияи марказии Ҳизби сотсиалистии Тоҷикистон оид ба фаъолияти ҳизб дар солҳои 2020-2024, пешбарии номзадҳо ба вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи ҷумҳуриявӣ ва ташкили ситоди интихоботии ҳизб баррасӣ гардид.
Аз рӯйи масъалаҳои рӯзномаи кори анҷуман раиси Ҳизби сотсиалисти Тоҷикистон Ғулом Ҳалимзода ва муовини якуми раиси Ҳизб Муртазо Аҳмадзода баромад намуданд.
Вакилони анҷуман баъди баррасии масъалаи пешбарии номзадҳо ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон номзадии 6 нафар аъзои фаъоли ҳизб, аз ҷумла раиси Ҳизби сотсиалистии Тоҷикистон Ғулом Ҳалимзода, муовини якуми раиси Ҳизби сотсиалистии Тоҷикистон Муртазо Аҳмадзода, муовинони раис Давлатхонум Саидошурова ва Меҳринисо Раҷабова, раиси Кумитаи иҷроияи Ҳизби сотсиалистии Тоҷикистон дар вилояти Суғд Маъруф Юсупов ва муовини раиси Кумитаи иҷроияи Ҳизби сотсиалистии Тоҷикистон дар шаҳри Душанбе Майсара Аброқуловаро ба вакилӣ дар интихоботи Маҷлиси намояндагони Маҷлиси Олии Ҷумҳурии Тоҷикистон пешниҳод намуданд.
АКС: АМИТ «Ховар»
Дар ноҳияи Шаҳринав оид ба маъракаи интихобот машғулияти омӯзишӣ доир гардид
ИНТИХОБОТИ ВАКИЛОНИ ХАЛҚ-2025. Ин маъракаи сиёсӣ имкони мусоид барои санҷиши масъулиятшиносии ҷавонон аст
ИНТИХОБОТИ ВАКИЛОНИ ХАЛҚ-2025. Марҳилаи пешбарии рӯйхати номзадҳо оид ба интихоботи вакилони Маҷлиси намояндагони Маҷлиси Олӣ ба анҷом расид
Конференсияи Кумитаи иҷроияи Ҳизби сотсиалистии Тоҷикистон дар шаҳри Ҳисор баргузор гардид
Номзад аз Ҳизби аграрии Тоҷикистон аз ҳавзаи интихоботии якмандатаи Ёвон, №29 пешбарӣ гардид
Маҷлиси Кумитаи иҷроияи Ҳизби аграрии Тоҷикистон дар шаҳри Ҳисор баргузор шуд
«ИНТИХОБОТ ВА ҶАВОНОН». Дар шаҳри Турсунзода ҳамоиши тарғиботӣ баргузор гардид
Маҷлиси васеи Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Дар ҳавзаи якмандатии интихоботии Айнӣ, №22 номзад аз ҲХДТ пешбарӣ гардид
Вобаста ба нақши занону духтарон дар фаъолияти комиссияҳои интихоботӣ вохӯрӣ доир шуд
