Ба кӯдакони ятиму бепарастори шаҳри Кӯлоб кумак ва туҳфаҳои Президенти Тоҷикистон расонида шуданд
КӮЛОБ, 26.12.2024 /АМИТ «Ховар»/. Кумак ва туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон иборат аз маводи хӯрокворӣ ва либосҳои зимистона ба 186 нафар тарбиятгирандагони Мактаб-интернати ҷумҳуриявии кӯдакони ятим дар шаҳри Кӯлоб аз ҷониби намояндагони Дастгоҳи иҷроияи Президенти Ҷумҳурии Тоҷикистон дастрас карда шуд.
Бояд гуфт, ки ятимону бепарасторон ва нафарони ниёзманд ҳамеша таҳти назорати Ҳукумати Ҷумҳурии Тоҷикистон, хосса Президенти Ҷумҳурии Тоҷикистон қарор доранд. Ҳамин аст, ки имрӯз дар мамлакат ягон ятиму бепарастор худро танҳо эҳсос намекунад.
Ҷонишини директори Мактаб-интернати ҷумҳуриявии кӯдакони ятим дар шаҳри Кӯлоб Бароталӣ Одинаев иттилоъ дод, ки «ҳоло 20 омӯзгор ва 20 мураббия ба кӯдакон таълим медиҳанд. Омӯзгорон кӯшиш менамоянд, ки кӯдаконро дар руҳияи ватандӯстӣ ва донишомӯзӣ тарбия намоянд, то онҳо дар озмуну олимпиадаҳо ҷойҳои намоёнро ишғол кунанд. Муассиса бо рахти хоб ва гармӣ таъмин буда, дар мавсими зимистон танқисӣ намекашад».
Баъди тақдим намудани туҳфаҳо гурӯҳи корӣ ба Мактаб-интернати ҷумҳуриявии кӯдакони ятими ноҳияи Шамсиддини Шоҳин рафта, кумак ва туҳфаҳои Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро иборат аз либосҳои зимистона ва хӯрокворӣ ба тарбиятгирандагони он супориданд. Дар ин муассиса 138 кӯдак ба таълим фаро гирифта шуда, аз ин шумора 119 нафарро писарон ва 19 нафарро духтарон ташкил медиҳанд.
Тарбиятгирандагони мактаб-интернат аз ин иқдоми хайрхоҳонаи Президенти Тоҷикистон муҳтарам Эмомалӣ Раҳмон хушнуд шуда, иброз доштанд, ки бо баҳои хубу аъло таҳсил намуда, дар оянда дар рушду пешрафти мамлакат саҳми назаррас мегузоранд.
АКС: АМИТ «Ховар»
10 оилаи аз офати табиӣ зарардидаи деҳаи Баррӯшон соҳиби манзилҳои нав мешаванд
Бахшида ба Рӯзи кормандони хадамоти ҳолатҳои фавқулода ва мудофиаи гражданӣ ҳамоиши тантанавӣ доир шуд
ИМРӮЗ — РӮЗИ КОРМАНДОНИ ХАДАМОТИ ҲОЛАТҲОИ ФАВҚУЛОДА ВА МУДОФИАИ ГРАЖДАНӢ. Ҳифзи аҳолӣ аз ҳолатҳои фавқулода самти асосии фаъолияти ин ниҳод аст
САЙЁҲИИ ЗИЁРАТӢ. Дар 35 соли Истиқлоли давлатӣ Мамнуъгоҳи Султон Увайси Қаранӣ аз нав эҳё гардида, инфрасохтори сайёҳии он рушд намуд
ПУРСИДЕД, ҶАВОБ МЕДИҲЕМ. Дар кадом ҳолат вуруди шаҳрванди хориҷӣ ба Федератсияи Русия манъ карда мешавад?
Рафти татбиқи Стратегияи рушди ҳифзи иҷтимоии аҳолии Ҷумҳурии Тоҷикистон барои давраи то соли 2040 натиҷагирӣ карда шуд
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
