Дар Агентии содироти Тоҷикистон бахшида ба Соли маърифати ҳуқуқӣ ҳамоиш баргузор шуд
ДУШАНБЕ, 21.12.2024 /АМИТ «Ховар»/. 19 декабр дар Агентии содироти назди Ҳукумати Ҷумҳурии Тоҷикистон бахшида ба Соли маърифати ҳуқуқӣ бо иштироки намояндаи Агентии назорати давлатии молиявӣ ва мубориза бо коррупсияи Ҷумҳурии Тоҷикистон ҳамоиш баргузор шуд. Дар ин хусус ба АМИТ «Ховар» дар Агентии содирот хабар доданд.
Дар ҳамоиш масъалаҳои муқовимат ба коррупсия, ташаккул ва рушди маърифати зиддикоррупсионии хизматчиёни давлатӣ, муайян намудани роҳҳои муосири пешгирӣ ва муқовимат ба коррупсия, тақвияти низоми ҳамоҳангсозии мақомоти давлатӣ ва ҷомеаи шаҳрвандӣ дар муқовимат ба коррупсия, инчунин таъмини иҷрои қонунҳо ва барномаҳои давлатии зиддикоррупсионӣ баррасӣ гардиданд.
Роҳбарияти Агентии содирот доир ба муҳтавои сиёсати давлату Ҳукумати ҷумҳурӣ дар самти муқовимат ба коррупсия, чораҳои амалинамудаи Агентии содирот дар ин самт ва нақшаҳои минбаъда андешаронӣ намуданд. Иброз гардид, ки дар айни замон дар Ҷумҳурии Тоҷикистон тамоми заминаҳои меъёрии ҳуқуқӣ бо қабулу тасдиқи қонуну стратегия ва барномаю нақшаи чорабиниҳои соҳавӣ барои муқовимат намудан бо ин зуҳуроти номатлуб фароҳам оварда шудааст.
Дар робита ба иҷрои санадҳои меъёрии ҳуқуқии қабулшуда бо фармоишҳои дахлдори Агентии содирот «Барномаи дохилиидоравии зиддикоррупсионӣ» ва Нақшаи чорабиниҳои амалисозии «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030» таҳия ва тасдиқ карда шудаанд.
Ба иштирокчиён мазмун ва муҳтавои қонунгузории Ҷумҳурии Тоҷикистон дар самти муқовимат ба коррупсия ва барномаҳои давлатии зиддикоррупсионӣ ба таври васеъ тавзеҳ дода шуданд.
Таъкид гардид, ки зарур аст дар ҳамбастагӣ барои амалисозии сиёсати пешгирифтаи роҳбарияти олии ҷумҳурӣ ва Ҳукумати мамлакат тавассути қабул ва таҳкими чораҳое, ки ба пешгирии коррупсия ва мубориза бар зидди он нигаронида шудаанд, тадбирҳои зарурию иловагӣ андешем.
Намояндаи Агентии назорати давлатии молиявӣ ва мубориза бо коррупсия оид ба қабул ва амалишавии санадҳои меъёрии ҳуқуқии соҳа, аз ҷумла Конвенсияи Созмони Милали Муттаҳид бар зидди коррупсия, «Стратегияи давлатии муқовимат ба коррупсия дар Ҷумҳурии Тоҷикистон барои давраи то соли 2030», инчунин доир ба муҳимияти муқовимати дастҷамъона бо ин зуҳуроти номатлуб, амалисозии чорабиниҳои мушаххас барои пешгирии коррупсия ибрози андеша намуд.
АКС: Агентии содироти назди Ҳукумати Ҷумҳурии Тоҷикистон
Илҳомҷон Оймуҳаммадзода: «Пиряхҳо на танҳо массаҳои ях, балки бойгонии зиндаи геологӣ мебошанд»
Дар Тоҷикистон беш аз 225 ҳазор тонна хӯроки чорво захира шудааст
Губернатори Ҳукумати мардумии музофоти Шэнсии Чин бо фаъолияти Минтақаи озоди иқтисодии «Данғара» шинос шуд
Тоҷикистон дар муборизаи байналмилалӣ барои ҳифзи бабри барфӣ саҳм мегузорад
МАСЛИҲАТИ МУТАХАССИС. Норасоии намӣ ба решаи дарахтон самаранокии боғотро паст мекунад
Густариши ҳамкории вилояти Хатлон бо музофоти Шэнсӣ баррасӣ шуд
Дар Душанбе ҳамкории иқтисодӣ ва татбиқи лоиҳаҳои муштараки Тоҷикистону Чин баррасӣ гардид
РӮЗИ ҶАҲОНИИ БЕХАТАРИИ ОЗУҚАВОРӢ. Бо мақсади таъмини бехатарии маҳсулот дар Тоҷикистон 14 озмоишгоҳ фаъолият дорад
Сарфаи неруи барқ танҳо вазифаи давлатӣ нест, балки масъулияти ахлоқии ҳар як шаҳрванди мамлакат аст
«IMPERIУA TECHSTREAM — 2025». Дар Душанбе барои наврасон нахустин озмуни технологияҳои иттилоотӣ баргузор гардид
РӮЗИ БАЙНАЛМИЛАЛИИ МУҲИТИ ЗИСТ. Баҳодур Шерализода: «Ҷомеаи ҷаҳон Тоҷикистонро ҳамчун давлати ташаббускор дар соҳаи обу иқлим ва ҳифзи пиряхҳо эътироф намудааст»
Бонки рушди Созмони ҳамкории Шанхай таъсис дода мешавад
